11 ноя 2013 12:11Тоҷикистон / Акс / Тема дня

АКС: Заминҷунбӣ 363 хонаро вайрон кард. Ҳисоб идома дорад

Кумитаи ҳолатҳои фавқулодаи Тоҷикистон мегӯяд, давоми ду рӯзи охир дар Тоҷикистон, се ҳолати заминҷунбӣ ба қайд гирифта шудааст, ки як қатор хисороти моддиро ба бор овардаанд.

Тавре аз Кумитаи ҳолатҳои фавқуллодаи Тоҷикистон, ба «Озодагон» иттилоъ доданд, заминларзаи аввал, субҳи 10-уми ноябр, соати 10:15 дакика, 26 километр дуртар аз Душанбе, дар ҳудуди деҳаи «Султонобод»-и ноҳияи Рудакӣ рух дод, ки дар марказ 5- бал ва дар шаҳри Душанбе 4- балро ташкил дод: «Мувофиқи маълумоти пешакӣ, бар асари заминларза дар ҷамоатҳои деҳотҳои Карим Исмоил, Раҷаб Исмоил, Бозорбой Буронов ва ҷамоати деҳоти Чорсўи шаҳри Ваҳдат 104 адад хона пурра ва 259 адад хона қисман зарар дидаанд.»

Ба иттилои манбаъ бегоҳи 10-уми ноябр, соати 17:03 дақиқа дар деҳаи Андигони шаҳри Вахдат заминларзаи дигар ба вуқўъ омад, ки қуввааш дар марказ 2-3 бал ва дар шаҳри Ваҳдат ба 2-бал баробар буд.

Дар мавриди заминҷунбии сеюм, ки субҳи имрӯз, 11-уми ноябр сурат гирифт, аз Маркази зилзилашиносии Тоҷикистон ба «Озодагон» иттилоъ доданд, ки маркази заминҷунбӣ дар 26 километрии ҷанубу шарқии шаҳри Душанбе буда, қуввааш дар марказ 4 бал ва дар пойтахт се балро ташкил дод.

Кумитаи ҳолатҳои фавқулодда мегӯяд, дар пайи ин заминҷунбиҳо ягон талафоти ҷонӣ сурат нагирифта, барои дақиқ намудани хисороти молӣ дар маҳалҳо айни ҳол комиссияи босалоҳият кор карда истодааст.

Мӯҳр

Хабарҳои монанд:

Чахонгир

Сабаб чи бошад, ки дар расонахои хабарии Точикистон, алалхусус дар телевизион дар бораи заминларзахои пай дар пай ягон маълумоте пешниход карда нашуд. Оиди харобихои овардашуда ягон маълумоте дода нашуд. Барои чи?

Ҷавоб диҳед Иқтибос Шикоят

манхам дар ин хусус хайронам барой чи хабар аз ким кадом гушаву канор мерасонанду аз заруртарин чой ватан не танхо бо истифодаи интер бохабар мешавем ин ягон секретай е шахри вахдат маблаггузори накарданд ба телевизон

Ҷавоб диҳед Иқтибос Шикоят

Эзоҳ илова кунед