09 ноя 2013 13:43Тоҷикистон / Дидгоҳи хос
Бовару нобовариҳо барои тағйирот дар ҳукумат баъд аз 16 ноябр
Қарор аст, 16 ноябри соли ҷорӣ Эмомалӣ Раҳмон -- раисҷумҳури тозаинтихоби Тоҷикистон савганд ёд кардаву аъзои ҳукуматро ба истеъфо бифиристад. Ҳарчанд ба истеъфо рафтани аъзои ҳукумати Тоҷикистон барои муддати муайян як талаботи Қонуни асосист, аммо коршиносон ҳадс мезананд, ки эҳтимол ин навбат бархе аз аъзои ҳукумат ба ҷои худ барнагарданд.
ҶОМЕА ЧӢ МЕХОҲАД?
Дар ҳоле ки ба гуфтаи Қосими Бекмуҳамммад, шореҳи масоили сиёсӣ, тими кунунии Эмомалӣ Раҳмон бештар аз 10 сол боз сари курсӣ нишаставу тамоми нерӯ ва зарфияти худро нишон додааст. “Ҳоло ҷомеа интизор дорад, ки ҳадди ақал 50 дарсади аъзои кобинаи ҳукумат иваз шавад. Аммо воқеияте низ вуҷуд дорад, ки барои фаъолияти худ давоми ин солҳо вазирон ҳам аз раисиҷумҳур подоше дар шакли боқӣ гузоштан дар ҳукумат интизор бошанд”,-афзуд ӯ.
Мусоҳиби илова кард, эҳтимол чандон тағйироти ҷиддӣ дар тими ҳукумат ба вуҷуд наомада, ба сифати қадрдонии фаъолият шояд танҳо ҷойивазкунии кадрҳо сурат бигирад. Қосими Бекмуҳаммад мегӯяд, бо ин вазъ муяссар намешавад, ки ҳукумати Тоҷикистон 180 дараҷа иваз бишавад.
ТАНҲО ҶОЙИВАЗКУНӢ?
Парвиз Муллоҷонов, таҳлилгари тоҷик, бовар дорад, ки ҳукумат баъзе аз кадрҳои нав қабул хоҳад кард, аммо на барои ҳайати асосии ҳукумат: “Онҳое, ки давоми ин солҳо бо Раҳмон буданд, дар тим боқӣ мемонанд, танҳо шояд ба вазифаи дигар таъин гарданд. Тавре, ки дар гузашта ҳукумати Раҳмон таҷриба дошт, танҳо ҷобаҷогузории кадрҳо мешавад. Дигаргунии куллӣ ба вуҷуд нахоҳад омад”,-таъкид кард ӯ.
Ба бовари номбурда мушкили Тоҷикистон ҳам дар он аст, ки ҳукумат аз вазъияти кунунӣ огоҳ буда, барои ислоҳоти ҳамаҷонибаи чандон талош намекунад. Вай азфуд, “дурнамое, ки онҳо доранд, аз қабл доштанд. Агар онҳо ҳамингуна дар андешаи дигаркунии вазъият бошанд, дурнамо чандон назаррас намешавад.”
НИЗОМ Ё МАНСАБДОРОН?
Бо таваҷҷуҳ ба ин мушкилот, коршиносон мегӯянд, ба ислоҳоти куллӣ дар соҳаи кадрии ҳукумати Тоҷикистон умед бастан рӯъёе беш нест. Таҳлилгарон бар ин назаранд, ҳоло бо истифода аз вазъият мансабдорони тоҷик барои ҳифзи курсии худ занҷираеро сохта, ҳар кадоме ба гунае аз бахши бар ӯҳда доштааш гузориш медиҳад, ки гӯиё дар сурати интихоби кадри нав Тоҷикистон рӯ ба таназзул хоҳад ниҳод.
Қосими Бекмуҳаммад мегӯяд, агар дар ҳар кишваре низом кор накарда, ба ҷойи ӯ мансабдор кор бикунад, ин заъфи давлатдорӣ аст: “Агар ҳукумати Тоҷикистон давлатдории худро бар ин мабно сохтааст, пас, ин ноустуворӣ ҳаст. Ин маънои онро дорад, ки мансабдорон ба истилоҳ киштиеро рӯи об нигоҳ медоранд.”
ҲХДТ: ТАҒЙИРОТ МЕШАВАД
Ин ҳама гуфтугузор дар ҳолест, ки Усмон Солеҳ, раҳбари бахши таблиғоти Ҳизби ҳокими халқӣ-демократӣ, мегӯяд, ин навбат дар ҳукумати Тоҷикистон ҳатман дигаргуние ба вуҷуд хоҳад омад.
“Як чизро ба назар бояд гирифт, ки кадрҳои феълии Тоҷикистон бисёр таҷрибадор ҳастанд. Имкон дорад, ки баъд аз дигарбора ба фаъолият шурӯъ кардан, қисме аз ин кадрҳо дар ҷойи худ боқӣ монанд ва ё ба вазифаи дигар гузаронда шаванд. Аммо тағйирот мешавад. Дар назар аст, кадрҳои ҷавон ва ҷадид вориди тими ҳукумат бишаванд”,-гуфт ӯ.
КӢ РЕКОРДСМЕН?
Ин навбат истеъфои тими ҳукумат дар ҳоле дар назар гирифта шудааст, ки айни ҳол бисёре аз вазирону раҳбарони кумита ва идораҳои давлатӣ ба синни нафақа расидаанд. Ҳоло синни миёнаи аъзои ҳукумати Тоҷикистон 56 солро ташкил медиҳад. Дар ҳоел ки бар асоси қонун дар кишвар синни нафақа барои мардҳо 63 ва занҳо 58 сол муайян шудааст. Айни замон панҷ узви ҳукумат алакай аз ҳадди муқарраргардидаи синни нафақа гузаштаанд.
Муҳлати миёнаи будубоши аъзои ҳукумат дар вазифаҳои феълияшон 5 солро ташкил медиҳад. Аз рӯи муҳлати ишғоли вазифа, Шералӣ Хайруллоев, рекордсмен аст, ки 18 сол боз вазири дифои Тоҷикистон мебошад.
Дар ҳайати ҳукумат 13 узв ё худ 61,4 дарсади аъзои ҳукумати феълӣ зодаи вилояти Хатлонанд. Аз ҷумла, 7 нафар ё 33,3 дарсад аз ноҳияи Данғара мебошанд. Вилояти Суғдро дар ҳукумати феълӣ 5 нафар намояндагӣ мекунанд, ки 23,8 дарсади аъзоро ташкил медиҳад. Аз ноҳияҳои тобеи марказ дар ҳайати ҳукумат 2 нафар (9,5%) ва аз вилояти Бадахшон 1 нафар (4,7%) кор мекунад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Декабр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
