Шайбонӣ аз ҳамкориҳои фарҳангӣ изҳори қаноатмандӣ кард

Ҳамкориҳои иқтисодӣ ва дурнамои равобити ҳамкориҳои муштарак миёни Тоҷикистону Эрон ва лоиҳаҳои амалишавандаи аз қабили сохтмони нерӯгоҳи барқии обии “Сангтӯда-2”, нақби “Истиқлол”  баррасӣ гардиданд.

Тибқи иттилои дафтари матбуотии ВКХ, дар Душанбе мулоқоти  Муҳаммадризо Рауф Шайбонӣ, муовини вазири корҳои хориҷии Ҷумҳурии Исломии Эрон бо Маҳмудҷон Собиров, муовини аввали вазири корҳои хориҷии Тоҷикистон баргузор шуд. Зимнан, аз раванди рушди муносибатҳо, ҳам дар формати мулоқотҳои дуҷониба ва ҳам бисёрҷониба, изҳори қаноатмандӣ намуда, масъалаҳои сиёсӣ, ҳамкориҳои иқтисодӣ, фарҳангӣ ва маорифро мавриди баррасӣ қарор доданд. Ҳар ду ҷониб муносиботи фарҳангиро дар сатҳи баланд арзёбӣ карданд, қайд гардид, ки танҳо дар ин сол иштироки ҳунармандони касбии Ҷумҳурии Тоҷикистон дар Ҷумҳурии Исломии Эрон дар таҷлили иди Наврӯз, баргузории аввалин рӯзҳои фарҳангии Ҷумҳурии Исломии Эрон дар Ҷумҳурии Тоҷикистон ва иштироки аҳли адаби Тоҷикистон дар намоишгоҳи байналмилалии “Китоби Теҳрон” далели ин гуфтаҳо мебошанд. Мӯҳр