01 ноя 2013 10:08Тоҷикистон / Дидгоҳи хос
Шарифзода: “Дар Тоҷикистон ҳама чизро бо гап месозанд”
Докторанти Донишгоҳи Берген, Норвегия
Аввалаш дар инҷост
Муддатест ҳама чизро бо гап ё ҳарф сохтаем. Ҳатто ваҳдат, миллат ва истиқлолро. Бехабар аз он ки он сӯи калимот маъниҳои асл ҳастанд, ки дар ташкили ашё ва рӯйдод нақши ҳалкунанда доранд.
Фикр мекунам, ин аз як тараф ба табиати забон ва фарҳанги пурғановати Тоҷикӣ ҳам вобастагӣ дорад, ки ҳар чизи холиеро ба осонӣ олӣ карда метавонем. Ин сифати забони Тоҷикиро дар сафарҳои президенти кишвар ҳам метавон дид, ки чӣ тавр вохӯриҳо ба саҳнаҳои мадҳу ситоиши дарборӣ табдил меёбанд ва мардум зери таъсири ҷодувонаи забон дар бораи чизҳое ҳарф мезананд, ки аслан вуҷуд надорад. Он ҷо умуман фикри солими таҳлилӣ - танқидие, ки ба нафъи ҷомеа бошад, нест. Ин худ танҳо сифати забони равони Тоҷикӣ нест, балки мардум ба ин ҳолат расонда шудаанд ва ҳанӯз аз давраи Шӯравӣ ба ин ҳолат одат карда буданд. Одату ғафлат ва арзишҳои мавҷудаи ҳар як муҳити фарҳангиро инсонҳои бедор зери суол бурда метавонанд ва инсонҳои бедор касонеанд ки аз ин роҳи худӣ - ҳақиқат - қудрат ва фазосозӣ гузаштаанд...
Ин ҷо метавон гуфт ки се чизи муҳимро аз ёд бурдаанд: аввал, мақом ва қудрати забони (фарҳангӣ) Тоҷикиро; дувум, роҳҳои худӣ -ҳақиқат - қудрат ва фазосозро, ки барои сохтмони шахсият, ҷомеа ва инкишоф бунёдианд ва сеюм, қудрат ва созандагиро. Ин аз он сабаб аст, имрӯз ин қавм, ки ба сиёсат даст мезананду ин роҳро худсозияш мегӯянд, нарафтаанд ва дар вуҷуди худ ҳамоҳангии худӣ, қудрат ва ҳақиқатро надоранд. Агар не, ин мардумро аз ин ҳолати барзахӣ (гузариш) барвақт ба ҷое мегузаронданд. Аслан аз шинохти ин чор унсури муҳими сохтмони шахсият ва ҷомеа - худӣ, қудрат, ҳақиқат ва қонун (дониш ва таҷриба дар бораи худ) - бегона мондаанд. Ин рӯйдод моро ба бефарҳангии сиёсӣ расонидааст ва сиёсати имрӯзаи моро фарҳангбунёд наметавон гуфт.
Бубинед, худ калимаи фарҳанг, ки аз ду калима “фар” (нур, дониш) ва “ҳанг” (қудрат) иборат аст, намуна аз мардумест, ки дониш ва таҷрибаи сатҳи баланд доштаанд ва доранд. Мутаминам, ин таҷриба аз фаҳмиши Ғарбиён дар бораи culture, як сару гардан баландтар буд ва ҳаст. Худ калимаи “фарҳанг” ин ҳама унсурҳои созандаро, ки номбар кардем, дар бар мегирад ва инсоне фарҳангист, ки роҳи худӣ - қудрат - ҳақиқат ва фазосозиро гузашта бошад. Ин гуна инсон зиёии асил аст ва метавонад ба сиёсати созанда даст занад. Танҳо чунин мардон ё занон метавонанд худро ҷавобгари номус (ҳаққу ҳуқуқ, моликият) ва таъминкунандаи бехатарии вуҷудӣ ва иҷтимоии мардум ҳисоб кунанд.
Дар ин мамлакат сиёсатро, ки наздиктарин унсур ба ҳастии инсон аст ва ба низомдарорандаи муносибатҳо ва ашёст, бисёриҳо ва ҳатто онҳое, ки дар мақоми баланд ҳастанд аз бефарҳангӣ ва беномусии худ як чизи “ифлос” шинохтаанд. Шояд бисёр рӯйдодҳои паст, ки дар ҷомеа сурат мегиранд, ба чунин фаҳмишҳои пасти баъзе сиёсатмардони (ё беҳтараш сиёсатмаргони) мо алоқа доранд. Ин фаҳмиши кӯчагии сиёсат ба фарҳангӣ баланди Тоҷики муқобил аст, ки фазои сиёсӣ ҳама вақт аз арзишҳои баланди номусӣ, мисли қонун, дин, иқтисод (моликият) ва ахлоқии мардум сарчашма мегирифт... Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
