21 окт 2013 10:57Тоҷикистон / Сиёсат

ҲНИТ эълон кард, ки дар интихоботи президентӣ иштирок намекунад

Шӯрои сиёсии Ҳизби наҳзати исломии Тоҷикистон (ҲНИТ) ва Ойниҳол Бобоназарова, номзади ягонаи Нерӯҳои ислоҳотхоҳ, ба қароре омадаанд, ки аз ширкат дар интихоботи президентии 6 ноябр худдорӣ мекунанд.

Ин тасмимро Шӯрои сиёсии ҲНИТ ҳамроҳ бо номзад Ойниҳол Бобоназарова, ки ба хотири ҷамъ наовардани имзоҳои зарурӣ дар муҳлати муқарраршуда аз ширкат дар интихобот маҳрум гардид, рӯзи 21-уми октябр зимни як ҷаласа эълон карданд. Дар баёнияи Шӯрои сиёсии ҲНИТ ва хонум Бобоназарова гуфта шудааст, ки бо сабаби сабти ном нашудани номзадии дувумӣ аз ширкат дар интихобот худдорӣ менамоянд.
Масъулони ҲНИТ дар шарҳи ин хабар дар суҳбат бо “Озодагон” гуфтанд, иштирок накардани ҲНИТ дар интихобот маънои бойкот ё худ таҳрими онро надорад.

Ин дар ҳолест, ки ахиран Муҳиддин Кабирӣ, раиси Ҳизби наҳзати исломии Тоҷикистон, бо ирсоли як нома, аз раиси Комиссияи марказии интихобот ва раъйпурсии кишвар, хоста буд сабти номзадии Ойниҳол Бобоназарова ба мақоми президентиро аз нав дида бароянд. Вале Шермуҳаммади Шоҳиён, раиси Комиссияи марказии интихобот ва раъйпурсии Тоҷикистон, ба ин дархости Муҳиддин Кабирӣ ҷавоби рад дод.

Интихоботи президентии Тоҷикистон рӯзи шашуми ноябри соли ҷорӣ баргузор хоҳад шуд. Комиссияи марказии интихобот шаш номзад ба мақоми президентиро сабтином кардааст, ки яке аз онҳо Эмомалӣ Раҳмон, раисиҷумҳури кунунист. Ҳоло ин номзадҳо ва афроди боътимодашон машғули тарғибу таблиғи барномаҳои қаблазинтихоботии худанд.

Мӯҳр

Хабарҳои монанд:

фира

Хай боз чи корхам мекарданд ,гайр аз хамин суханро гуфтан дигар илоч надоштанд

Ҷавоб диҳед Иқтибос Шикоят

Cokit

"Масъулони ҲНИТ дар шарҳи ин хабар дар суҳбат бо “Озодагон” гуфтанд, иштирок накардани ҲНИТ дар интихобот маънои бойкот ё худ таҳрими онро надорад".
Пас ин чи аст?

Ҷавоб диҳед Иқтибос Шикоят

Агар хнит бойкот эьлон накунад ин маьнои онро дорад,ки онхо хам дар катори дигар хизбхо (кисаги)хастанд.

Ҷавоб диҳед Иқтибос Шикоят

устувор

хохиш мекунам касе хамин маънои дар интихобот бойкот ё ки тахрим карданро васеъ фахмонад

Ҷавоб диҳед Иқтибос Шикоят

Сайрам

Cokit, Яъне Кабириву Ойнихол дар интихобот иштирок намекунанд. Хай чй? Бе онхо хам 99 фоизи мардум иштирок мекунад.

Ҷавоб диҳед Иқтибос Шикоят

Адл аз Душанбе

Ин кирдори онхо нишон медихад, ки онхо бо мардуми Точикистон хамрайъ нестанд. Хоханд нахоханд мардуми Точикистон рохи ояндаи худ ва пешвои худро дар ин рох интихоб мекунад. Инхо аспхои аз гала чудошуда мебошанд. Як руз не як руз туъмаи гург ё хирсе шуда, бо хамин аз хаёт бенасиб мешаванд. Сари мор, ки дард кард сари рох мебарояд. Инхо хам ба хамон мор монанд мебошанд. Рузи 6 ноябр мардум ба мисли гала онхоро пахш карда, ... намуда, гузашта меравад.

Ҷавоб диҳед Иқтибос Шикоят

Абдурахмон

Ман-Абдурахмон Мухаммад,узви ХНИТ бо ахли оила интихоботро бойкот эълон мекунам.Аз бародарони дигар даъват менамоям,ки пайрави кунанд.ИН интихобот не "мазхака" аст.

Ҷавоб диҳед Иқтибос Шикоят

ABDULLOH

kasoneki bo intihobot raftaniyan bo qadri vaqti hud namerasand???oyo nadidaand,ki dar intihobothoi peshtara yagon kasi digar ba gayraz janobi ovmi intihob nashudaast,yane in intihobot befoida ast!!!

Ҷавоб диҳед Иқтибос Шикоят

хуча

Бе ХНИТ интихобот мегузарад ва хеч ниёзе ба иштироки ин хизб нест

Ҷавоб диҳед Иқтибос Шикоят

Урааааа бойкот.

Ҷавоб диҳед Иқтибос Шикоят

tojik

ishtirok namekunem neeee.moro kabul nakardan gued.shumo ba kiham darkored?

Ҷавоб диҳед Иқтибос Шикоят

Эзоҳ илова кунед