Эҳтимоли бойкоти интихоботи президентӣ аз сӯи Бобоназарова
Ҳоло барои дарёфти курсии президенти Тоҷикистон шаш номзад сабтином шуда, мулоқоташон бо интихобкунандагон ҳам оғоз ёфтааст. Кумисюни марказии интихобот мегӯяд, номзади ислоҳотхоҳон ба далели ин ки 210 ҳазор имзои заруриро ҷамъ наоварда буд, аз идомаи сабқат маҳрум гардид.
Аммо Ойниҳол Бобоназарова мегӯяд, 210 ҳазор имзое, ки Кумисюни марказии интихобот барои сабтиноми номзадҳо муқаррар кардааст, ғайриқонунист. Дар ҳоле ки бино ба ҳисоби онҳо 201 ҳазор имзо барои сабтиноми як номзад ба курсии президентӣ кофӣ будааст. “Мо дар маҷмӯъ 202 ҳазор имзо ҷамъоварӣ кардем. Дар аввал Кумисюни марказии интихобот шумораи раъйдиҳандагонро 4 миллиону 22 ҳазор ва пас аз чанде 4 миллиону 34 ҳазор эълон кард. Аз ин ҳисоб панҷ дарсдаш каме бештар аз 200 ҳазор хоҳад шуд, ки мо онро дорем. Аммо Кумисюни марказии интихобот 210 ҳазор имзоро аз куҷо ёфта?”,-афзуд ӯ.
Хонум Бобоназарова дар идомаи фазои пеш аз интихоботи президентиро “бисёр бад” унвон кард ва гуфт, “Қонуни интихобот ва Қонуни асосии Тоҷикистон дағалона вайрон карда шуд”. “Барои ҳамин, агар интихобот дар ҳамин шакл баргузор гардад, интихоботи ғайриқонунӣ хоҳад буд”,-таъкид кард ӯ. Бо ин ҳол, Ойниҳол Бобоназарова мегӯяд, онҳо дар робита ба иҷзоҳои ҷамъовардаи худ ба Кумисюни марказии интихобот муроҷиат мекунанд ва тасмими ниҳоиро вобаста ба ҷавоби ин ниҳод хоҳанд гирифт.
Ин дар ҳолест, ки қаблан Ҳизби сотсиал-демократи Тоҷикистон эълон карда буд, ки агар то якуми ноябри соли ҷорӣ номзадии Бобоназарова сабтином нашавад, интихоботи президентиро бойкот хоҳад кард. Кумисюни марказии интихобот ин иддаои сотсиал-демократҳоро беасос хонда, сабтиноми номзадии Бобоназароваро ғайриимкон дониста буданд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
