14 окт 2013 14:29Тоҷикистон / Сиёсат / Интихобот - 2013

Раҳмон хост, ба ҳамаи номзадҳо имкони баробар диҳанд

Эмомалӣ Раҳмон, раисиҷумҳури Тоҷикистон, рӯзи 14-уми октябр дар қасри Арбоби шаҳри Хуҷанд, ҳангоми мулоқот бо мақомоту фаъолони Суғд ба масъалаи интихоботи президентии моҳи ноябри соли ҷорӣ ҳам дахл кардааст. Вай гуфта, ки мансабдорону мардум фарҳанги волои сиёсиро риоя кунанд.

Дафтари матбуоти раёсати ҷумҳури Тоҷикистон мегӯяд, оқои Раҳмон ба масоили омодагӣ ба интихоботи президенти Тоҷикистон таваҷҷуҳ зоҳир намуда, масъулини давлатӣ ва мардуми кишварро ба иштироки фаъолона дар ин маъракаи муҳим даъват намудааст. Ба иттилои манбаъ, раисиҷумҳури Тоҷикистон таъкид кардааст, ба ҳамаи номзадҳо барои мулоқот бо мардум ва муаррифии барномаҳои пешазинтихоботиашон имкону шароити баробар бояд муҳайё гардад.

Раисиҷумҳур изҳори боварӣ намудааст, ки интихоботи навбатии президент дар фазои орому осуда, шаффофу демократӣ ва бо риояи меъёрҳои байналмилалию талаботи қонунгузории кишвар баргузор мегардад. Ин дар ҳолест, ки интихоботи раисиҷумҳур дар Тоҷикистон 6-уми ноябри соли равон ба нақша гирифта шуда, то ҳол 6 номзад, аз ҷумла раисиҷумҳури феълӣ Эмомалӣ Раҳмон сабти ном шудааст. Ойниҳол Бобоназарова, номзади ягонаи нерӯҳои ислоҳотхоҳ, ба далели он ки 210 ҳазор имзои муайянкардаи Кумисюни марказии интихоботро ҷамъоварӣ накардааст, аз идомаи сабқат маҳрум шуд.

Мӯҳр

Хабарҳои монанд:

Фира

Албата шафофу демократи мегузарад чунки ракиб надорад ,одамон гайри ЧО дигар намедонад ба ки овоз дихад..

Ҷавоб диҳед Иқтибос Шикоят

Азим

"Раҳмон хост, ба ҳамаи номзадҳо имкони баробар диҳанд". Чаро аз аввал ин кора накард хама ба як хел имкон надод ё ракиб намонд барои хамин забон дарози кардаистодааст.

Ҷавоб диҳед Иқтибос Шикоят

Одил

ДАР ТОЧИКИСТОН ДАР МУДДАТИ 22-СОЛИ РОХБАРИИ Эмомали РАХМОН ,ЯГОН МАРОТИБА ИНТИХОБОТХОИ ШАФФОФ ВА ДЕМОКРАТИ ГУЗАРОНИДА НАШУДААСТ ВА НАМЕГУЗАРАД.

Ҷавоб диҳед Иқтибос Шикоят

tojik

rahmon behtarin prezident ast.zan-pan ba mo rohbari nakunad.

Ҷавоб диҳед Иқтибос Шикоят

rahmon

base diga mexohi chan soli digar buxuri az bekorivu az garibi xasta shudem

rahmon mexohi chan soli digar raisi mo boshi? amo mo namexom turo charo ba zur meoi?

Ҷавоб диҳед Иқтибос Шикоят

Эзоҳ илова кунед