14 окт 2013 11:47Тоҷикистон / Сиёсат

"Сафина" даъвои Ҳизби наҳзатро дар додгоҳ беасос хонд

Масъулони телевизиони “Сафина” даъвои Ҳизби наҳзати исломии Тоҷикистон дар бораи пахши барқасдонаи “барномаҳои антинаҳзатӣ”-ро рад кардаанд. Онҳо рӯзи 14 октябр дар додгоҳи Исмоили Сомонии шаҳри Душанбе гуфтаанд, куллия барномаҳое, ки ба Ҳизби наҳзат ва ё рӯҳониён рабт дошт, бо супориши мақомоти дахлдор ва дар асоси номаҳои бешумори бинандагон пахш шудааст.

Ҳизби наҳзати исломии Тоҷикистон рӯзи 19 сентябр аз болои Кумитаи радио ва телевизион, Шабакаи аввал, Ҷаҳоннамо ва Сафина ба додгоҳи Исмоили Сомонии пойтахт шикоят бурда буд. Ин ҳизб хоста буд, то се шабакаи телевизиони давлатӣ ба барномаҳои “ташвиқоту тарғибот нисбати ҲНИТ” хотима бахшанд.

Зарафо Раҳмонӣ, мушовири ҳуқуқии раиси ҲНИТ, мегӯяд, акнун онҳо аз додрас мехоҳанд, то масъулони “Сафина”-ро маҷбур бикунад, ки супориши мақомот ва номаҳои бинандагонашонро дар бораи пахши чунин барномаҳо ошкор намоянд. Ба қавли ӯ, дар баррасии даъвои наҳзатиҳо алайҳи Кумитаи радио ва телевизион ва се шабакаи давлатӣ то рӯзи 17 октябр танаффус эълон шудааст.

Баррасии ин қазияро Темур Ҳафизов, муовини раиси додгоҳи Исмоили Сомонӣ бар дӯш дорад.

Мӯҳр

Хабарҳои монанд:

Ин Сафина мардуми точикро бе акл шуморида гуёки "дар асоси номаҳои бешумори бинандагон пахш шудааст." -гуфта ба мардум худашро ширин мекунад! Бовари дорам ки як шахрванди катории точик ба ин ноинсонона рафтор кардани ТВС бовар намекунад.

Ҷавоб диҳед Иқтибос Шикоят

Бинанда

Яке аз бинандахои сершумор манам!

Салом! Ман яке аз бинандахои асосии телевизонхои (на танхо ТВ, хама мачала, хафтанома ва сайтхои хабарии) ватани хастам. ХНИТ ба чойи, он ки аз шабакахо ба макомоти далдор даъво бурдаанд, бехтар мебуд пайи ислохи он камбудихо мешуданд, ки дар фаъолияташон ошкор гардиданд. Новобаста аз он ки бо дархост ва таклифу пешниход ё супориши ки, ин танкиду таргиби интинахзати тарики телевизионхо пахш шуд, хатокорихои дагалона хеле зиёд дар корашон ошкор гардид, хаминаш безеб. Ин масъулони ТВС чихо мегуянд, номахои бешумори шахрвандон чи лозим, вакте худи нахзати икрор аст, ки дар кори хизматияш конун ва коидахои марбутаро риоя намекард (Хеч кас тарики мачбури ба бад гуфтан моил намешавад, то агар худ олудаи гунох набошад). Хар хизбро барои истодагарияш дар мукобили хизби дигар мебояд аз инсоф ва поккориву покизакори кор бигирад, масусан хизбе, ки дар он исми ПОКИ ИСЛОМ аст...хама шудаги фикри камина аст. ХУДО ДОНОСТ1,
1,

Ҷавоб диҳед Иқтибос Шикоят

Сафар

Бинанда,! Худатро ин кадар олим натарош ё тухам аз «фабрикаи чавоб»–и?! Агар хамон барномахои пахш кардаи тв–хои давлати рост бошад, ки гуйё мардумро ба зури ё аз онхо нопурсида ба ин хиз шомил карданд пас оё хамин холат дар ХХДТ вучуд надорад?! Дорад 100%!!! Чаро ягон бор мусохиба ё як маротиба масъулини ХНИТ ба тв–хо рох намеёбанд, км назарашонро бигуянд?! Аз барои Худо шарм доред, ин маймунбозии тв–хои давлати ба кудак ошуор аст чи расад ба онхое, ки АКЛУ ФАРОСАТ доранд!!!

Ҷавоб диҳед Иқтибос Шикоят

Эзоҳ илова кунед