11 окт 2013 09:37Тоҷикистон / Иҷтимоӣ

Ҷасади Неъматуллоҳ, муҳоҷири кушташудаи тоҷикро ба Ватан оварданд

Ҷасади Неъматуллоҳ Сулаймонов, муҳоҷири 36-солаи тоҷик, ки шоми 8-уми октябр аз сӯи афроди ношинос дар шаҳри Маскав кушта шуда буд, ба Тоҷикистон оварда шуд.

Пайвандони Сулаймонов дар суҳбат бо “Озодагон” ин хабарро таъйид карда, гуфтанд, ҷасади ӯро соати 5:00-и субҳи 11-уми октябр тариқи хатсайри 628 Маскав-Душанбе ба Ватан оварданд. Ин муҳоҷири тоҷик шоми 8-уми окябри соли ҷорӣ дар назди даромадгоҳи манзили зисташ дар шаҳри Балашихаи Маскав аз тарафи як гуруҳи ношинос ба қатл расонида шудааст.

Пайвандонаш мегӯянд, ӯ баъд аз як занги телефонӣ ба берун баромада, баъд аз чанд лаҳза бо онҳо тамос мегираду аз захмӣ шуданаш хабар медиҳад. Вале аз сабаби ҷароҳати вазнин бардоштанаш ҷон ба саломат намебарад.

Неъматуллоҳ Сулаймонов, сокини деҳаи Рованди ноҳияи Ванҷ буда, соли 1977 дар хонаводаи муаллим, Мулло Муҳаммадсулаймон, ба дунё омадааст. Мактаби миёнаи рақами 10-и деҳаи Гармчашмаро соли 1994 хатм карда, баъд рӯ ба муҳоҷират меорад. Тӯли 18 сол мешавад, дар шаҳрҳои гуногуни Русия пайи ҷустуҷӯи нафақаи пайвандонаш ба сар мебурд.

Ҳар сол аз Русия ба Тоҷикистон беш аз ҳазор тобути муҳоҷирони тоҷик оварда мешавад. Ахиран нашрияи “Военное обозрение”-и Русия дар матлабе навишт, ки тоҷикон набояд аз ҳазор тобути муҳоҷирони худ ҳангома барпо кунанд. Дар ҳоле ки ба қавли муаллифи матлаб, аксари муҳоҷирон бар асари, ба гуфтаи ӯ, “марги табиӣ” мемиранд.

Мӯҳр

Хабарҳои монанд:

Халима

кай мо аз ин рузхо халос мешавем, агар инхо дар ватан чон диханд алами одами камтар мешавад аммо афсус ки барои ризку рузии пайвандонашон дар гарибихо чон медиханд

Ҷавоб диҳед Иқтибос Шикоят

Noz

хамаи ин беадолатихо то ба кай?

Ҷавоб диҳед Иқтибос Шикоят

Рахим

Рахмат ба хукумату ба сиёсати хирадмандона!!! ки 30 соли дигар боз моро гуломи русхо кард ва ана хамин хел тобутхо омадан мегиранд.

Ҷавоб диҳед Иқтибос Шикоят

Субҳи Умед

Ба дил сад достон мемирам охир,
Чу гул дар бўстон мемирам охир.

Зи макри душманон боке надорам,
Зи қасди дўстон мемирам охир.

Ман аз дасти замон ҳаргиз намирам,
Ки аз дасти занон мемирам охир.

Фалак бар дўши ман борест сангин,
Таҳи бори гарон мемирам охир.

Ҷаҳон бо дарди ман коре надорад,
Ман аз дарди ҷаҳон мемирам охир.

Агар дар шеър фарзанди замонам,
Ба лаб шеъри замон мемирам охир.

Ҷавонмаргӣ фақат марги ҷавон нест,
Ба сад пирӣ ҷавон мемирам охир!

Ҷавоб диҳед Иқтибос Шикоят

Саид

Аник нест ки котилони ин чаон кистанд. Метарсам ки боз точики бадбахте набошад. Озодагон хохиш , посух дех.

Ҷавоб диҳед Иқтибос Шикоят

Мардбача

Мухочирони мехнатие,ки барои ризку рузии оилаашон ва як бурда нон ба хоричи кишвар мераванд ва дар ончо ба халокат мерасанд,кахрамони миллат хастанд,на онхое,ки дар Точикистон худро кахрамон меноманд. Ва хукумат бояд ба нафароне,ки дар хоричи кишвар хамчун мухочири мехнати бо сабабхои гуногун фавтидаанд,нафакапулии якумра пардохт намоянд.

Ҷавоб диҳед Иқтибос Шикоят

Мухочири сарсахт

Дар марги чавонони мухочири точик дасти кист, хамагон хуб медонем. Бояд чинояткорро аз байни худ чуем, на аз Русия бинолем.

Ҷавоб диҳед Иқтибос Шикоят

точик

Худо манзили охирататро обод гардонад ей чавонмарг
умеду орзуятро бо худат бурди Худо ба пайвандонат сабри чамил ато фармояд омин

Ҷавоб диҳед Иқтибос Шикоят

Osi

Бовар кунед рузе не рузе охи дили хар як фарзанде ки падараш мухочираст и хукуматро мегирад, ман бад аз хондани хар як тобуте ки аз русия миёранд чанд руз ба худ омада наметавонад чун падари манам 20-сол мешавад, ки мухочир аст, хар сол мераваду то омаданаш тамоми зиндаги бароям бемаъни мегузарад. Модари бечораам хам накши падарро бози мекунаду хам модар охир то кай и азобхоро бояд кашем ман алакай хаста шудам. Умед доштам шояд Ойнихол Бобоназарова мегузараду вазият каме тагир меёбад лекин
афсус...

Ҷавоб диҳед Иқтибос Шикоят

komron shirinov

Dar avval bo arzi salom va giromidosht ba tamomi mardumi Tojik va soniyan tasliyat arz mekunam ba tamomi mardumi n.Vanj ba khusus d.Rovand. Garchi man in barodarro az nazdik nadidaam vale sukhanhoi ziyode dar borai in javonmard shunidaam.Dar kul hamdrdii khudro ba vizha ba khonavodai Ne'matullo bayon mekunam biguzor in okharin gham dar in khonadon boshad.

Ҷавоб диҳед Иқтибос Шикоят

iiiii

Албата ки аз сад навад фоизе ки кушта мешаванд аз дасти амин бадбахтони бо ном точик ин дунеро падруд мегуянд!!

Ҷавоб диҳед Иқтибос Шикоят

ном

https://www.facebook.com/photo.php?v=381953611934806

Ҷавоб диҳед Иқтибос Шикоят

Эзоҳ илова кунед