09 окт 2013 14:57Тоҷикистон / Рӯ ба рӯ

Сафири Эрон баъд аз 6 сол Тоҷикистонро тарк мекунад

Маҳмадсаид Убайдуллоев, раиси Маҷлиси Миллии Тоҷикистон, Алиасғари Шеърдӯст -- сафири Эрон дар Душанберо ба далели анҷоми ваколатҳои сафирияш ва бо хоҳиши худи ӯ ба ҳузур пазируфтааст. Шавкат Саидов, ёвари раиси Маҷлиси Миллӣ, ба “Озодагон” гуфт, Убайдуллоев ба Шеърдӯст барои фаъолияти пурсамар дар иҷрои вазифаи пурмасъулияти дипломатӣ ва саҳми ӯ ба тавсеаёбии муносибатҳои миёни ҳар ду кишвар изҳори сипос кардааст.

Убайдуллоев гуфтааст, Тоҷикистону Эрон ду кишвари ҳамзабону ҳамфарҳанг дорои пайвандҳои ногусастании таърихӣ ва анъанаҳои устувори дӯстию бародарӣ мебошанд ва ин арзишҳо бо мусоидати Шеърдӯст таҳким ёфтаанд. Оқои Шеърдӯст ҳам дар навбати худ аз ҳамкории судманд бо Маҷлиси Миллии Тоҷикистон миннатдорӣ карда, гуфтааст, минбаъд низ равобит байни парлумонҳо ба нафъи мардуми ҳарду кишвар дар роҳи фароҳам овардани заминаҳои ҳуқуқӣ хидмат хоҳад кард.

Алиасғари Шеърдӯст аз соли 2007 ба ин тараф сафири Эрон дар Тоҷикистон мебошад. Қаблан расонаҳо гуфта буданд, бо вуҷуди он ки аз маъмурияти ӯ шаш сол сипарӣ мешавад, вай зоиҳран қасди вогузор кардани ин мақом ба шахси дигарро надорад. Дар асл маъмурияти Алиасғари Шеърдӯст ҳанӯз соли 2010 поён ёфта, вале ӯ муҳлати сафирияш дар Тоҷикистонро тамдид карда буд.

Оқои Шеърдӯст дар тӯли сафирияш дар Тоҷикистон баландтарин ҷоизаи адабӣ - "Рӯдакӣ"-ро барои китоби "Чашмандози шеъри имрӯзи Тоҷикистон" дарёфт карда, соли 2010 ба узвияти хориҷии Академияи улуми Тоҷикистон ҳам пазируфта шудааст.

Мӯҳр

Хабарҳои монанд:

иронидуст

Нихоятеее аммо такдири тачхизоти телевизиониаш чи мешуда бошад??7

Ҷавоб диҳед Иқтибос Шикоят

sadir

Nakonets

Ҷавоб диҳед Иқтибос Шикоят

Саид

Шеъдуст ҳаргиз рафтанӣ набуд, ба Теҳрон фаро хонда шудааст....

Ҷавоб диҳед Иқтибос Шикоят

Mojganeh

Салом ба хама!Дар асл Шеърдуст буд. Вале барои сиёсат шеър лозим нест.

[иронидуст,
Бародари Эронидуст! аввал бояд Эрон навишт на Ирон, дуввум Эмомали барои кушодани телевизиони муштараки форсизабонони Навруз рози нашуд. Гуфтанд ки давлати мо исломи нестанд мо наметавонем шабакаи исломиро пахш намоем, набошад телевизион омода аст

Ҷавоб диҳед Иқтибос Шикоят

Davlat

Хайрият! Чаноби Шеърдуст дар ин 6 сол факат барои худаш кор кард! Аз пайи бемасъулиятии у шогирдонаш ба мисли Юнусу Мухсин низ сохиби тичорат дар Точикистон шуданду боз чи кадар корхои дигар карданд. Хар чизе, ки дар замони сафирони кабли ба мисли Шабистари ва Сармади буд. Шеърдуст ба фано бурд!

Ҷавоб диҳед Иқтибос Шикоят

Саид

Барвакт тар бояд мерафт. Ин кадар шеър мехонд дуру дароз .. то тамом мекарди ба Кургонтеппа рафта мерасиди ва боз бар мегашти.. Аслан шеърхониро кам кардану кор бетар кардан даркор буд чаноби Шеърдуст.

Ҷавоб диҳед Иқтибос Шикоят

Эзоҳ илова кунед