07 окт 2013 16:59Тоҷикистон / Сиёсат

Э.Раҳмон аз 30 созишнома гуфт, С.Наришкин - аз интихобот

Эмомалӣ Раҳмон, раисиҷумҳури Тоҷикистон, рӯзи ҳафтуми октябр ҳамроҳ бо Сергей Наришкин, раиси Думаи давлатии Русия, ҳамкориҳои миёни Душанбеву Маскавро ба баррасӣ гирифтанд.

Абдулфаттоҳ Шарифзода, сухангӯи раисиҷумҳури Тоҷикистон, ба “Озодагон” гуфт, оқои Раҳмон сӯҳбатро бо ёдоварӣ аз ҳамшарикии стратегии Тоҷикистону Русия оғоз карда, афзудааст, “мо ҳазорон пайвандҳо дорем”.

Эмомалӣ Раҳмон таъкид намудааст, миёни Тоҷикистону Русия айни ҳол қариб 240 санади дуҷонибаи ҳамкорӣ баста шудаанд ва 30 санади дигар дар ҳоли баррасӣ қарор дорад. Ба иттилои Шарифзода, раисиҷумҳури Тоҷикистон махсусан санадҳои ба тозагӣ тасвибшуда - дар бораи тамдиди муддати будубоши пойгоҳи низомии Русия дар Тоҷикистон ва созишномаҳо дар бораи шароити будубоши муҳоҷирони кории Тоҷикистон дар Русия ва содироти бебоҷи маҳсулоти нафтии Русия ба Тоҷикистонро ба нафъи ҳарду кишвар хондааст.

Эмомалӣ Раҳмон барои афзоиши ҳаҷми гардиши молу маҳсулот миёни Тоҷикистону Русия, аз ҷумла фаъолияти бештари комиссияи байниҳукуматии ҳамкории иқтисодию тиҷоратӣ ва ба кор даровардани дигар омилҳои муассирро зарур хондааст.

Ба иттилои Абдуфаттоҳ Шарифзода, Эмомалӣ Раҳмон ва Сергей Наришкин бо зикри робитаҳои мустақими минтақаҳои Тоҷикистон бо зиёда аз 80 субъекти минтақавии Русия инчунин ба рушди ҳамкорӣ дар бахшҳои гуманитарӣ, аз ҷумла илм, маориф ва фарҳанг низ таваҷҷуҳ зоҳир кардаанд.

Сергей Наришкин баъд аз анҷоми сӯҳбаташ бо Эмомалӣ Раҳмон ба чанд суоли хабарнигорон ҳам посух додааст. Аз ҷумла, ӯ дар бораи интихоботи президентии рӯзи шашуми ноябри Тоҷикистон гуфтааст, Русия ба ҳеч ваҷҳ ба ҷараёни ин интихобот дахолат нахоҳад кард.

Ин дар ҳолест, ки қаблан баъзе аз соҳибназарон тасвиби қарордоди Душанбеву Маскав дар бораи тамдиди ҳузури низомиёни пойгоҳи 201-и Русияро талоши Эмомалӣ Раҳмон барои дарёфти пуштибонии Крмелин дар интихоботи президентӣ медонистанд. Дар ҳоле ки ба гуфтаи онҳо, ин тарҳи ин қарордод тақрибан як сол боз рӯи мизи кории мақомдорони тоҷик мехобид.

Мӯҳр

Хабарҳои монанд:

диловар

30 санади дига, яьне путинчон дар кади пастут садка илтимос хами точикора разрешенияшона 3 сол кн ма ором бгардм, охи и мардум мачбурм кестан, ма намедонистм ки инхо хам бедор мешидай

Ҷавоб диҳед Иқтибос Шикоят

ahmad

Читавр дахолат намекyнед алакай кардед ҳамин тасвиби пойгоҳатон дар натиҷаи фишор болои Раҳмон ва тимаш шyд ва шyмо шарт гозоштед ки агар пойгоҳ бидyни кадом шарте ба тасвиб расад дар интихобот аз президенти Имомали Раҳмон дастгири мекyнед. Инро шyмо Русҳо зоҳиран ҳам ки нагуфта бошед ҳатто як тифли синфи як медонад. Равед аз мулкамон бе шyмо мо метавонем марзy бyмамонро аз ҳамон террористон омодакардаатон дифо намоем. Аср 21 астy шyмо ба зулме ки нисбати халқи Тоҷик карда истодед ҷавоб хоҳед дод. Воқеан дуст мебyдед муҳоҷирони Тоҷики моро инқадар азобy шиканҷа ва паст намезадед.Ҳар ҷо дасти шyмо бошад ҳатман онҷо каромати инсони поймол астy дастy зурy зургyи ва зyлмy ситам пойдор.

Ҷавоб диҳед Иқтибос Шикоят

Хуррам

Чаноби Оли бо хости Худованди чону хирад бе пуштибонии Кремл низ аз дохил пуштибони меёбад. Ёд меоранд Нушервони одилро хама, Халкпарвар подшохро дуст медорад Худо.

Ҷавоб диҳед Иқтибос Шикоят

Юсуф

Будани бузургтарин пойгоҳи низомии рус дар Тоҷикистон на танҳо таҳдид ба бехатарии ин кишвар, балки ба тамоми Осиёи Миёна аст. Ин ниру аз тамоми артиши Тоҷикистон қавитар аст. Давлат ва миллате, ки эҳтиром ба худ дорад, ба ин пойгоҳ ҳаргиз розигӣ намедод. Фикр мекунед он сарбоз ва афсарон дар қисми ҳарбияшон ором менишинанд? Ҳаргиз на! Чанд рӯз боз банда мушоҳида мекунам. Дар марказ ва гирду атрофи "Садбарг" мардҳои руси девҷусса ду-се нафари сайру гашт мекунанд, ки то тасвиби он созишномаи нангин аз ҷониби порлумон дида намешуданд. Инҳо ба сарбоз ва афсарони муқаррарӣ монанд нестанд, балки мансуб ба нируҳои махсуси "спесназ" монанданд. Бист нафари ин девҳои машқдида дар як соат дастгоҳи президентро титу пит карда, одами худро (лухтакро) мешинонанд. Мисле, ки соли 1978 шоҳи Афғонистонро сарнагун карда буданд. Наъси русҳо аст, ки 35 сол боз он давлат оромиро ёд надорад! Ва ҳоло бештар худи русҳо моро аз паёмади нооромиҳои Кобул ҳамвора метарсонад. Бадбахтона порлумони кисагӣ ин тарафи масъаларо нодида гирфтааст.
Ягона умед бар он аст, ки рӯзе раиси ҷумҳур ва порлумони воқеан миллӣ ва ватандусти бо нангу номус меояду ин созишномаи таҳмилгаштаро лағв (бекор) карда ба ҳоҷатхона меандозад. Ин 7 сола набошад, ҳафт солаи оянда ҳатман ин кор сурат мегирад. Иншаллоҳ! (Ба шарте Маскав боз ба як ҷанги нави шаҳрвандӣ оташ назанад.)

Ҷавоб диҳед Иқтибос Шикоят

Эзоҳ илова кунед