Оташнишонҳои «Талко» зинаи аввалро соҳиб шуданд

Дар шаҳри Душанбе сабқати оташнишонҳои касбӣ баргузор шуд.

---

Дар ин мусобиқа 14 даста аз раёсат ва қисмҳои оташнишонии шаҳру навоҳӣ ва вилоятҳои ҷумҳурӣ ширкат намуданд.Толиб Ҳаётов, як масъули сарраёсати хадамоти давлатии оташнишонии ВКД ба «Озодагон» гуфт, ин сабқат ба муносибати 83-юмин солгарди таъсисёбии Рӯзи хадамоти давлатии оташнишонӣ дар варзишгоҳи машқӣ-таълимии раёсати хадамоти оташнишонии шаҳри Душанбе сурат гирифт. Дар мусобиқа 14 даста аз рӯи намудҳои эстафетаи оташнишонӣ, давидан ба масофаи 100 метр бо монеаҳо, баромадан ба зинапояи муҳорибавӣ ба ошёнаи 4, баромадан бо зинапояи сеқабата ба ошёнаи 3 бо ҳам қувваозмоӣ карданд.
Оташнишонҳои ширкати алюминии тоҷик «Талко» сазовори ҷои аввал гардиданд. Зинаи дуюм насиби оташнишонҳои шаҳри Истаравшан шуд. Қисми минтақавии мустақили сарраёсати хадамоти давлатии оташнишонӣ бошад дар мақоми сеюм ҷой гирифтанд.
Толиб Ҳаётов гуфт, ин сабқат як давраи омодагӣ ба мусобиқаи байналмилалист, ки соли равон дар Олмон баргузор мешавад. {jathumbnail off} Мӯҳр