01 окт 2013 09:45Оcиёи Марказӣ / Тоҷикистон

Ифтитоҳ ва убури мошинҳои Раҳмон аз нақби "Чормағзак"

Эмомалӣ Раҳмон, раисиҷумҳури Тоҷикистон, субҳи имрӯз, 1-уми октябр, нақби мошингарди Чормағзакро, ки дар масири Душанбе-Данғара-Кӯлоб-Қалъаи Хумб-Хоруғ-Қулма-сарҳади Чин бунёд ёфтааст, расман ифтитоҳ намуд.

Тибқи иттилои Дафтари матбуоти раисиҷумҳури Тоҷикистон, Эмомалӣ Раҳмон нахуст ба нуқтаи идораи нақб ворид шудааст, ки аз ин ҷо ҳаракати мошинҳо аз ду самт, кори шабакаҳои рӯшноидиҳӣ ҳавокашӣ, зиддисӯхторӣ ва ғайра тавассути камераҳои мушоҳидавӣ ва дастгоҳу таҷҳизоти навтарини дигар назорат ва идора карда мешавад.

Инчунин ба иттилои манбаъ нахустин шуда, аз нақби “Чормағзак” қатори мошинҳои Эмомалӣ Раҳмон убур намуда, нақбро мавриди истифодаи умум қарор доданд.

Гуфта мешавад, баъди ба истифода додани нақби "Чормағзак" масофаи роҳи автомобилгарди Душанбе-Ваҳдат-Кӯлоб дар қиёс ба роҳи автомобилгардӣ Душанбе-Қӯрғонтеппа-Кӯлоб 100 км кӯтоҳ мешавад.

Дарозии нақби "Чормағзак" 4 ҳазору 450 метр буда, барои бунёди он ва аз таъмири асосӣ баровардани роҳи автомобилгардӣ Душанбе-Ваҳдат-Кӯлоб 630 миллион сомонӣ, баробар ба 143 миллион доллари амрикоӣ аз ҳисоби қарзҳои ҷудонамудаи ҳукумати Чин масраф шудааст.

Мӯҳр

Хабарҳои монанд:

Чам

еее харчираеее. Бехтарин кор. Мо бо шумоем чаноби Оли,

Ҷавоб диҳед Иқтибос Шикоят

оптимст

Мана мешудаску ана шудоску ободи асосан секин секин Точикистони мохам обод мешавад мардум оптимист шудан даркор охир Америкахам якбора Америка нашудаску эх ха. Молодец ба хами Мардак ошаш шавад тавонист дар даврахои мушкилии мардум омад ва то холо бо мардум на мисли баъзехо дар вакти вазнини солхо 90-ум дар Техрону дар Маскаву дар дигару дар дигар шахро кайфу сафо накарду хизмат кард. Онхое, ки дар вакти мушкилии мардум кишварро тарк кардан боз холо кам кам дилашон мансаб мехохадееее. О шарм намедоред шумо факат даст болои калби худ гузота ахсан гуед ва ба ин Марди нотарс (на мисли шумо тарсу) касак занед. Озодагон бехтари хабарро имруз расонди барои ту хам ташаккур. Интизори нашри ин фикри худ, ки баъд аз шунидани ин хабар эчод шуд. Бо умеди тавфик.

Ҷавоб диҳед Иқтибос Шикоят

Таксист

Харчи ки накба кушоданд, вагар на аз 3 сомон супорида безор шида бдем! Пеш ай буриданти такрибан дар давоми 2 хафта, кормандони макомоти кудрати дар назди накб меистоданд ва барои гузаштан аз ронандагон 3 -5 сомони мегирифтанд!

Ҷавоб диҳед Иқтибос Шикоят

Ватандор

Офарин, бехтарин кор! зинда бод Точикистон!

Ҷавоб диҳед Иқтибос Шикоят

abd

насиб кунад мардуми точик ин макб.

Ҷавоб диҳед Иқтибос Шикоят

Эзоҳ илова кунед