27 сен 2013 21:00Тоҷикистон / Сиёсат
Иттиҳоми бисёрникоҳӣ алайҳи раиси дафтари ҲНИТ дар Қумсангир
Дар ин навор, ки шоми 27-уми сентябр пахш гардид, гуфта шуд, Қурбон Маҳмадҷонов гӯиё дар давоми як соли охир ба болои ҳамсараш ду занро ба никоҳи худ даровардааст. Яке аз ин занҳо, Зифнун Сайидғуфронова, сокини ноҳияи Қумсангир ва модари 11 фарзанд, дар “Доми анкабут” гуфт, Маҳмадҷонов ӯро аз ҳамсараш ҷудо намуда, дар никоҳи худ даровардааст. Ӯ мегӯяд, намедонад чӣ тавр ба никоҳи Маҳмадҷонов ворид шудааст, чун мафтуни садои ӯ буду дигар ҳеч чизро дар хотир надорад.
Ба гуфтаи ӯ, вақте фарзандонаш аз ин никоҳи ӯ огоҳ шудаву норозигӣ карданд, маҷбур шудааст, аз Маҳмадҷонов ҷудо шавад: “Ман хоҳиш менамоям, Қурбон Маҳмадҷоновро ҷазои сангин диҳанд, чун ӯ хонаи маро вайрон кард.” Зани дуюм, ки аз ӯ Гулчеҳра Қаршиева ном бурда шуд, мегӯяд, “Маҳмадҷонов худаш маро никоҳ карда, бо ман чанд муддат зиндагӣ кардааст. Бо ман дар як квартира ба сар мебурд, чанд бор хӯрокворӣ харида овард, гуфтам, ба ман обрӯ лозим аст, аз ин рӯ дигар чизе наор. Танҳо худат ою рав.”
Ба гуфтаи ин зан, Маҳмадҷонов ӯро бе огоҳӣ ба узвияти ҲНИТ даровардааст. Инчунин, дар навор корти ҳизбии хонум Қаршиева чанд бор гаштаву баргашта намоиш дода шуд, ки дар он имзои Муҳиддин Кабирӣ, раиси ҲНИТ, дида мешуд. Ин дар ҳолест, ки Бахши ноҳиявии Ҳизби наҳзати исломии Тоҷикистон (ҲНИТ) дар Қумсангир аз фишорҳои охир болои худ аз тарафи Шуъбаи умури дохилии ин минтақа хабар дода буд. Раёсати ин бахши ҲНИТ бо пахши як изҳорот, ки дар сомонаи расмии ин ҳизб шоми 26-уми сентябр нашр гардид, гуфтааст, рӯзҳои охир Шӯъбаи умури дохилии ноҳияи Қумсангир бо ҳар сабку услуб талош доштааст, шаъну шарафи бахши ноҳиявии Ҳизби наҳзат дар ин минтақа, бахусус раиси он Қурбон Маҳмадҷоновро паст занад. Бахши ноҳиявии ҲНИТ овозаҳо дар бораи Қурбон Маҳмадҷоновро беасосу туҳмат хонда, онҳоро амали тарҳрезишуда ном бурда буд. Раёсати ин бахши ҲНИТ дар изҳороти худ аз Шуъбаи корҳои дохилии ноҳияи Қумсангир қотеона талаб карда буд, ки ба ингуна туҳмат ва барномаҳои тарҳрезишудааш хотима бахшад. Бар асоси ин изҳорот, раиси бахши ноҳиявии ҲНИТ дар ноҳияи Қумсангир ният дорад, аз болои Шуъбаи корҳои дохилии ин минтақа ба додгоҳ шикоят барад.
Ин бори аввал нест, ки телевизионҳои давлатии Тоҷикистон дар бораи аъзои ҲНИТ филмҳои вижаеро ба намоиш мегузоранд. Дар гузашта низ чандин филмномаҳоеро пешкаши бинандаҳо намуда буданд, ки дар бархе аз онҳо муттаҳамон ҳамчун узви ҲНИТ муаррифӣ мешуданд. Ахиран Анҷумани миллии расонаҳои мустақили Тоҷикистон (НАНСМИТ), Шӯрои васоити ахбори омма ва Медиа-Алянс бо пахши як изҳорот аз чунин барномаҳои телевизионии шабакаҳои давлатии телевизиони кишвар ибрози нигаронӣ карда, гуфта буданд, ки кормандони эҷодии ТВТ-и давлатӣ «оинаи нилгун»-ро ба як минбари ташвиқу тарғиби фаҳшу фуҷур табдил додаанд. “Меъёрҳои ахлоқии фаъолияти журналистӣ дар Тоҷикистонро низ сарфи назар намудаанд”,-таъкид карда буданд созмонҳо. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Феврал 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | ||
