25 сен 2013 10:21Тоҷикистон / Иқтисодӣ

Назарпурсӣ: 75%-и тоҷикистониён ҷонибдори узвият дар Иттиҳоди гумрукиянд

Бонки авруосиёии рушд зимни як назарпурсӣ муайян кардааст, ки миёни сокинони Тоҷикистон ҳамооиш ба Иттиҳоди гумрукӣ ва Минтақаи ягонаи иқтисодӣ пуштибонҳои зиёд дорад.

Тибқи назарпурсии Бонки авруосиёии рушд ва Оҷонсии байналмилалии тадқиқотии “Монитори Авруосиёӣ”, ки миёни 14 ҳазор нафар дар қаламрави кишварҳои ИДМ гузаронда шудааст, дар Тоҷикистон 75 дарсади пурсидашудагон изҳор доштаанд, ки ҷонибдори пайвастшавӣ ба Иттиҳоди гумрукӣ ва минтақаи ягонаи иқтисодиянд. Дар Узбакистон теъдоди ҷонибдорони ин ҳамоиш 75 дарсад, Украина-50 дарсад, Молдавия-54 дарсад, Белорусия-65дарсад, Қазоқистон-75дарсад ва дар Русия 67 дарсадро ташкил медиҳад.

Айни ҳол ба Иттиҳоди гумрукӣ ва Минтақаи ягонаи иқтисодӣ, Русия, Белорусия ва Қазоқистон аъзо буда, Қирғизистону Тоҷикистон дар арафаи пайвастшавӣ ба ин созмонанд. Дар доираи ин созмонҳо Владимир Путин, раисиҷумҳури Русия ният дорад, Иттиҳоди Авруосиёро низ ташкил кунад, ки ҳаракати озоди шаҳрвандон, мол ва сармояро дар қаламрави кишварҳои узв таъмин мекунад.

Мӯҳр

Хабарҳои монанд:

диловар

дуруғ мо тарафдори гумрук нестем

Ҷавоб диҳед Иқтибос Шикоят

экономист

Ин бонк ба мақсадҳои стротежии Русия созмон ёфтааст ва ин назарсанҷиашон низ фармоиши Кремлин аст.
Аввалан ки дар Тоҷикистон 14 ҳазор одам пайдо намешавад, ки аз будани Иттиҳоди гумрукӣ хабар дошта бошанд. Ва баъдан, умедворам сиёсатдорони Тоҷикистон ин найранги Путинро пай бурда бошанд, ки Тоҷикистонро дубора ғуломи иқтисодӣ ва партобгоҳи барахолкаи Русия накунанд. Намунаи беҳтарин Қазоқистон аст, ки мардуми одиаш зарбаи ин иттиҳоди шайтанатӣ бо Русияро чашида истодааст.

Ҷавоб диҳед Иқтибос Шикоят

Эзоҳ илова кунед