20 сен 2013 16:27Тоҷикистон / Сиёсат

Посбонҳои бӯстонсарои Зайд таҳти фишор қарор гирифтаанд

Мақомоти Оҷонсии зидди фасод аз посбонҳои бӯстонсарои Зайд Саидов, соҳибкори боздоштшудаи тоҷик, хостаанд, то бар зидди кордеҳашон шоҳидӣ диҳанд.

Фахриддин Зокиров, яке аз вакилони мудофеи Зайд Саидов, ба “Озодагон” гуфт, нимаи дувуми рӯзи 19-уми сентябр гурӯҳи кории Оҷонсии зидди фасод таҳти роҳбарии Зуҳал Раҳимов ба бӯстонсарои зерҳимояашон рафта, посбонҳоро барои шоҳидӣ ба бинои Оҷонсӣ овардаанд. Оқои Зокиров бо такя ба иттилои Субҳон Холмуродов, яке аз посбонҳои бӯстонсаро гуфт, масъулини Оҷонсӣ бо роҳи фишор ва истинтоқ аз онҳо талаб кардаанд, то бар зидди Зайд Саидов шоҳидӣ диҳад.

“Дар умум посбонҳоро се бор ба Оҷонсӣ даъват карданд. Бори нахуст дирӯз аз нисфирӯзӣ даъват карда, то соати 21-и шаб нигоҳ доштанд. Субҳон Холмуродов ба назди мо шикоят оварда гуфт, дар Оҷонсӣ аз ӯ талаб кардаанд, то дар мурофиаи додгоҳӣ шоҳидӣ бидиҳад, ки гӯиё Зайд Саидов ба бӯстонсаро ашхоси бегона, бахусус занҳоро мебурдааст”,-илова намуд Фахриддин Зокиров.

Ин вакили мудофеи Зайд Саидов мегӯяд, дар ҳоли ҳозир Субҳон Холмуродов ба Додситонии кулли кишвар рафта, аз болои ин ҳодиса шикоят бурдааст. Фахриддин Зокиров мегӯяд, ба эҳтимоли зиёд Оҷонсии мубориза бо фасод бо ин иқдомаш хостори исботи парвандаи марбут ба таҷовуз мебошад: “Гап сари он меравад, ки парвандаи марбут ба ин ҷиноят дар ҳолати ногувор қарор дорад. Ба таҳлили мо, Оҷонсӣ бо роҳи фишор ба посбонҳо мехоҳад далелҳои иловагӣ “пайдо” намояд.”

Фахриддин Зокиров афзуд, вакилони Зайд Саидов аз рафти ҳодисаи мазкур ба раисикунандаи мурофиаи додгоҳии парванда - Шавкат Абдулхайров ҳам шикоят бурда, додраси парванда ваъда кардааст, ин ҳолатро ба инобат хоҳад гирифт.

Мӯҳр

Хабарҳои монанд:

Чаноби Икс

Хм...

Ҷавоб диҳед Иқтибос Шикоят

Расул

Очонсии Зидди Фасод не-Очонсии Фасод

Ҷавоб диҳед Иқтибос Шикоят

Одам

Охиста охиста хамаш маълум мешад Худо хар нафарро мувофики аъмолаш мукофот медихад. Аз муносибати баъзе давлатдорон чунин бармеояд, ки чи рафторе хоханд барои дар кудрат мондан анчом медиханд аммо фаромуш кардаанд ки Довари БарХАК Худованди карим бар хама корхои мо огох аст. Зайд сабур бош ин имтихон аст ИншаАЛЛОХ ОЗОД меши. ХУДОВАНД ХАКРО БА ХАКДОР МЕРАСОНАД.

Ҷавоб диҳед Иқтибос Шикоят

мах

ин бародара бурда азоб медиханд албата дигар мачбур мешавад чи коре нашударо хам мегуяд ки шудааст!!!!!

Ҷавоб диҳед Иқтибос Шикоят

Далер

э мардум мо дар фикри хеч кас нестем. агап мо хаминхел ва дар хама кор бетараф бошем оянда хамаи моро фарзандони моро падарони моро хамин хел мисли Зайд Саидов тухмат мекунанд. хамин коргарои коррупсия ба Ланд Крузер мегардан. чи онхо бо маош гирифтай. то охири умрша маошоша хисоь куни жигули гирифта наметона. Оянда аз мо халк вобаста аст....

Ҷавоб диҳед Иқтибос Шикоят

Эзоҳ илова кунед