Изҳороти Ойниҳол Бобоназарова: “Ман доғи судӣ надорам...”
Хонум Бобоназарова зоҳиран ин ҳарфҳоро дар посух ба баъзе шарҳнависон дар шабакаҳои иҷтимоӣ ва сайтҳои интернетӣ гуфтааст, ки бештар ба зиндонӣ шудани ӯ дар оғози солҳои навадуми қарни гузашта ишора мекунанд. Аммо номзади ислоҳотхоҳон дар изҳороташ гуфтааст, "ҳамчун ҳуқуқшинос ба ҳамаи Шумо мерасонам, ки нисбати ман моҳи октябр то ноябри соли 1993 танҳо тафтишот бурда шуда буд. Пас аз як моҳ маро бо сабабе, ки президенти Тоҷикистон авф кардааст, озод намуданд.”
Вай дар идома меафзояд, “афв (помилование) ва ё амнистия танҳо нисбати шахсе, ки барои ӯ ҳукми судӣ бароварда шудааст, дида ё эълон карда мешавад. Нисбати ман бошад, на ҷаласаҳои судӣ баргузор шуда буд ва на ҳукм бароварда шудааст. Яъне, ки танҳо суд метавонад шахсро дар содир кардани ҷиноят гунаҳкор намояд".
Аз ин рӯ, Ойниҳол Бобоназарова гуфтааст, вай бидуни мушкилу монеа метавонад ба мақоми президентӣ сабқат кунад. Бобоназарова рӯзи даҳуми сентябр аз сӯи Иттиҳоди нерӯҳои ислоҳотхоҳи Тоҷикистон, ки Ҳизби наҳзати исломӣ ва Ҳизби сотсиал-демократ шомили онанд, ҳамчун номзад интихоб гардид.
Ойниҳол Бобоназарова, раҳбари созмони иҷтимоии “Перспектива+”, дар гузашта раҳбарии Бунёди Сорос дар Тоҷикистонро ба уҳда дошт. Ӯ соли 1971 факултаи ҳуқуқшиносии Донишгоҳи давлатии Тоҷикистонро хатм карда, дар оғози солҳои навадум ба Ҳизби демократ мепайвандад. Аз соли 1996 то 2004 ба ҳайси мушовири намояндагии Созмони Амният ва Ҳамкорӣ дар Аврупо (ОБСЕ) дар Тоҷикистон низ кор кардааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
