19 сен 2013 09:02Тоҷикистон / Дидгоҳи хос
Назари коршинос дар бораи шонси 4 номзад ба мақоми президентӣ
Рӯзи 17-уми сентябри соли ҷорӣ Ҳизби наҳзати исломӣ, Ҳизби аграрӣ, Ҳизби демократӣ ва 18-уми сентябр Ҳизби сотсиалистӣ анҷумани пешазинтихоботии худро баргузор ва номзадҳои худро дақиқ карданд. Вакилони ҲНИТ номзадии Ойниҳол Бобоназароваро аз тарафи Иттиҳоди нерӯҳои ислоҳотхоҳ ҷонибдорӣ карда, аз тарафи ҲАТ Толиббек Бухориев, аз тарафи ҲДТ Саидҷаъфар Исмонов ва аз тарафи ҲСТ Абдуҳалим Ғаффоров барои ба даст овардани курсии президентӣ вориди сабқат шуданд.
Оқои Муллоҷонов мегӯяд, номзади аграриҳо, демократҳо ва сотсиалистҳо дар ин интихобот чандон бо мушкили ҷиддӣ рӯбарӯ нахоҳанд омад. Чун ба гуфтаи ӯ, “ин ҳизбҳо дар ҳолатҳои вазнин барои ҳукумат хидмат мекунанд. Барои ин ҳизбҳо мушкилоте ба монанди ҷамъ кардани имзо пеш нахоҳад омад. Барои мисол, мақомоти маҳаллӣ ин корро ба ҷойи аграриҳо анҷом медиҳанд. Барои номзади ҲДТ ҳам баъзе имконият вуҷуд дорад. Мушкилоти ҷиддӣ барои номзадии хонум Бобоназарова эҷод хоҳад шуд.”
Ба қавли Муллоҷонов, тафовути ин интихоботи президентӣ аз интихоботи қаблӣ дар он хоҳад буд, ки то ба имрӯз коршиносон дақиқ намедонанд, кадом номзад чӣ қадар овоз мегирад. “Дар интихоботи дигар мо 5-6 моҳ қабл медонистем, ки номзад кӣ аст, чӣ қадар овоз мегирад ва ҳукумат чӣ қадари онро ихтисос медиҳад. Аммо бо пешниҳоди Бобоназарова метавон гуфт, ки як интригае дар интихобот пайдо шуд. Албатта, маълум аст, ки пирӯзӣ ба номзади ҳизби ҳоким аст. Вале саволҳои зиёде атрофи миқдори овоз ба вуҷуд хоҳад омад”,-изҳор дошт Парвиз Муллоҷонов.
Интихоботи президентии Тоҷикистон рӯзи шашуми ноябри соли ҷорӣ баргузор хоҳад шуд. То кунун ба ин мақом чаҳор номзад пешниҳод шуда, аҳзоби дигар гуфтаанд, номзадҳои худро то 4-уми октябр дақиқ хоҳанд кард. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
