12 сен 2013 09:44Оcиёи Марказӣ / Тоҷикистон

Ғолибони бозиҳои аввали даври 1/4-ниҳоии Ҷоми Тоҷикистон

Бозиҳои якуми даври 1/4-ниҳоии Ҷоми Тоҷикитстон-2013, рӯзи чоршанбе, 11-уми сентябр баргузор гардиданд.

Дастаи “Регар-ТадАЗ”-и Турсунзода дар майдони худ тими “Энергетик”-и Душанберо бо ҳисоби 2:0 шикаст дод. Бозиро Хуршед Дадобоев доварӣ карда, ба ӯ Дилшод Назипов ва Умед Раҳимов кӯмак карданд. Голҳоро Сафаралӣ Каримов ва Аҳтам Ҳамроқулов ба ҳадаф расониданд.

Дастаи “Парвоз”-и Бобоҷон Ғафуров дар майдони худаш аз тими “Равшан”-и Кӯлоб бо ҳисоби 1:2 мағлуб шуд. Ин бозиро Насрулло Кабиров доварӣ кард. Ёваронаш, Диловаршоҳ Орзуев ва Ҳасан Каримов буданд. Нимаи аввали дидор мусовӣ 1:1 анҷом ёфт. Орзу Додхудоев, бозигари дастаи мизбон дар дақиқаи 34-уми сабқат ҳисобро кушод. Ҳисоб (1:0) шуд. Дэвид Мауто, лигионери ганагии дастаи “Равшан” дар дақиқаи 40-уми сабқат тӯбро ба дарвозаи ҳарифонашон ворид намуда, ҳисобро баробар кард. (1:1). Нуъмон Ҳакимов, ҳамлагари дастаи “Равшан” дар дақиқаи 52-юми дидор тӯбро ба дарвозаи мизбонон ворид намуда, ғалабаи дастаашро таъмин намуд. (1:2).

Тими “Истиқлол”-и Душанбе дар меҳмонӣ бар дастаи “Истаравшан”-и Истаравшан бо ҳисоби 1:2 пирӯз шуд. Ин бозиро бошад Сафармаҳмад Шоймардонов доварӣ кард, Исматулло Муъминов ва Ҳамза Шоймардонов ёварони ӯ буданд. Глаубер Да Силва, лигионери бразилиягии “Истиқлол” дар дақиқаи 47-уми бозӣ ҳисобро боз кард. (0:1). Фарҳод Тоҳиров, бозигари дастаи мизбон дар дақиқаи 70-уми дидор ҳисобро баробар кард. (1:1). Голи дуюми ғолибонро Дилшод Восиев дар дақиқаи 72-юми сабқат ба ҳадаф расонид. (1:2).

1/4 финал. Бозиҳои ҷавобӣ
17-уми сентябр (сешанбе)

“Вахш” - “Эсхата”
18-уми сентябр (чоршанбе)
“Энергетик” - “Регар-ТадАЗ”
“Равшан” - “Парвоз”
“Истиқлол” - “Истаравшан”

Мӯҳр

Хабарҳои монанд: