11 сен 2013 11:18Тоҷикистон / Сиёсат

Шабдолов: “Ба тарафдории ҳузури низомиёни рус овоз медиҳем”

Бархе аз вакилони парлумони Тоҷикистон мегӯянд, баробари шурӯи кор дар оғози моҳи октябр созишнома дар бораи тамдиди ҳузури низомиёни пойгоҳи 201-ро тасвиб хоҳанд кард.

Шодӣ Шабдолов, узви Маҷлиси Намояндагон, палатаи поёнии парлумони Тоҷикистон, тасвиби ҳарчи зуди ин созишномаро на танҳо ба фоидаи Душанбе, балки барои кулли кишварҳои минтақа донист. Ӯ гуфт, “ҳузури ин пойгоҳ барои мо зарур аст. Тоҷикистон узви Иттиҳоди Давлатҳои Мустақил ё СНГ мебошад. Модоме ки ин артиш барои манфиатҳои муштарак аст, пас, ҳузури низомиёни Русия дар Тоҷикистон ҳеч таъсири манфие нахоҳад дошт.”

Ин вакили парлумони Тоҷикистон ба бовар дорад, ки “русҳо аз қабл ҳузур доштанд ва набояд минтақа майдони тохту този дигарон гардад. Аз ин хотир, ба ин боварам, ки вакилони тоҷик ба тарафдории ин созишнома овоз хоҳанд дод.”

Ин дар ҳолест, ки рӯзи даҳуми сентябр Георгий Карасин, муовини вазири умури хориҷии Русия, дар сӯҳбат бо нашрияи “Коммерсант” гуфтааст, Маскав умедвор аст, вакилони парлумони Тоҷикистон ба зудӣ тарҳи созишномаи тамдиди ҳузури низомиёни пойгоҳи 201-ро тасвиб хоҳанд кард. Ӯ гуфта, ки то кунун ҷониби Русия уҳдадориҳояш дар марвиди ин созишномаро ба анҷом расонда, мунтазири посухи Душанбе нишастааст.

Созишнома дар бораи будубоши 30-солаи пойгоҳи низомии Русия дар Тоҷикистон моҳи октябри соли гузашта аз ҷониби президентҳои Тоҷикистону Русия, Эмомалӣ Раҳмон ва Владимир Путин имзо гардида буд. Ахиран Ҳамроҳхон Зарифӣ, вазири умури хориҷии Тоҷикистон, изҳор дошт, ки созишнома дар бораи ҳузури пойгоҳи 201 аз дигар тавофуқоти Раҳмону Путин дар бахшҳои муҳоҷирату энергетика ҷудо нест ва дар назар аст, ин созишномаҳо ҳамзамон тасвиб гарданд.

Мӯҳр

Хабарҳои монанд:

Чаро дар Узбакистон, Туркманистону Киргизистон хузур надоранду, хатман дар Точикистон будани онхо зарур будааст?

Ҷавоб диҳед Иқтибос Шикоят

Ахмадзода

“русҳо аз қабл ҳузур доштанд ва набояд минтақа майдони тохту този дигарон гардад. Аз ин хотир, ба ин боварам, ки вакилони тоҷик ба тарафдории ин созишнома овоз хоҳанд дод.” Бигзор майдони тохту този русхо гардад, хамин тавр чаноби Шабдолов? Гузашта аз ин, Шумо хохед нахохед ин созишнома тамдид мегардад ва худро нофи замин эхсос накунед.

Ҷавоб диҳед Иқтибос Шикоят

safarjon

Русхо дар Точикистон бояд бошанд Агар не Сархадчиени Точик бойгарии Точикистонро боз мефурушанд. Чунон.ки дар Мургоб Сарадбонон Точик сархадро мохи марти 2013 барои Хитоихо кушода ва вайхо то мохи августи 2013 хар руз 300 фураи боркашро (Аз нишондоди худо-рахмати начальники заставаи приозерный) аз тилло пур карда ба тарафи Хитой мебурданд дар 6 мох ин чи кадар мешавад Мо комондири отряди мургобро дар хитой тобистон дидем ва фикр кардем ки Погран-Комисарский вохурии бад фамидем ки ин кас бойгарии фурухту истодааст ва ба хитой хамчун як Хойин бе выза мерафту меомад. Баройи хамин шуда бояд сарадбонони урус ва 201 дивизия дар Точикистон узур лошта бошанд

Ҷавоб диҳед Иқтибос Шикоят

шабдол

бобои шоди ай тани худат гап зан 4 мусафед хизб карда шаф шаф карда нагарден пеш ай гапа гуфтан фикр кун ки ба давлати мо чи манфиат меорад боз карасин мегуяд тарафи русхо ухдадорихояшро ба чо овардааст мардум гуломи русхо депортатсия маоши ночиз бинзин кимат хаминай ухдадориаш русхо дар точикистон курорт омадагиян бехтарин чойхода зиндаги мекунанду на раводид доранду на милиса унора гам метия 1милиард долар тиян ки ба манфиати кишвари мо боша баъд хурда гарданд сархада тияншон ай сархад берун нараванд вакти адои хизмат аеропорт сархади авгонистон тамом дигарчо набинемшон

Ҷавоб диҳед Иқтибос Шикоят

замир

Шоди Шабдолов хакикатро мегуяд. агар зури русхо дар Точикистон набошад он кадар ансоруллоху мучохиду босмачу хизбуттахриру педафили зиёде бо байраки дини ба Точикистон ворид мешавад ки ин мулк ба харобистон табдил меёбад. ё туъмаи хоми Узбакистон мешавад. дар варианти сем махаплхо ба хам ба чанг мехезапнд ва хеч кадомашон пируз намешаванд зеро дар ин ватан кувваи махаллхо кариб баробар аст ва ин мочаро охир нахохад дошт. русхо ба интихоби касе халал намерасонанд. масалан мачбур накарда буданд, ким Кабириву Зоиров номзадияшонро нагузоранд. бино бар ин дустон аз мост ки бар мост мегуянд рубох раккоси натавониста гуфтааст пойгах танг аст. мо неиз бояд хунари хукуматдориву давлатдориро ёд бгирем пеш аз он ки аз хама гиллаву шикоят кунем.агар 10 фоизи Точикистон донишу вичдону номуси Шабдолро медошт ба ин хол намерасидем..

Ҷавоб диҳед Иқтибос Шикоят

Эзоҳ илова кунед