10 сен 2013 12:37Тоҷикистон / Дидгоҳи хос
Вокунишҳо ба номзадии Ойниҳол Бобоназарова дар Фейсбук
Ҳатто бархе аз онҳо аз ин ҳуқуқдони тоҷик, ки имрӯз дар нишасти навбатии ИНИТ расман номзади ягонаи ин иттиҳод эълон гардид, хостаанд, то ин пешниҳодро қабул накунад.
Сайидюнуси Истаравшанӣ, яке аз фаъолонии шабакаи иҷтимоии Фейсбук, рӯзноманигори тоҷик, бо пахши як изҳорот тасмими ИНИТ-ро дар мавриди пешниҳоди хонум Бобоназарова ба унвони номзади ягонаи мухолифон, иштибоҳ ва нодуруст хондааст.
Ӯ мегӯяд, “"пирӯз"-и ин интихобот мушаххас аст, ки чӣ касе хоҳад буд ва инро ҳама медонанд, қарор нест якдигарро гӯл занем, балки муҳим он аст, ки оё номзади мавриди назар, аз қудрат ва тавоноӣ ва шуҷоати лозим барои дифоъ аз раъйҳое, ки барои ӯ медиҳанд, дар замони пас аз интихобот, баромада метавонад ё на? Яъне вақте ки ба ӯ 2 дарсад ё 3 дарсад ё ҳатто 10 дарсад аз ороро "мебахшанд", оё метавонад ин таҳқир ва иҳонатро ба чолиш бикашад? Ё мисли пештара, кулӯх бар лаб ниҳода, тамошобини саҳнаи иҳонат ва таҳқир хоҳем буд?”
Ба андешаи Истаравшанӣ беҳтарин номзад ба мақоми президентӣ дар интихоботи қарибулвуқуъ Раҳматилло Зоиров мебошад: “Шахсияти арзанда Раҳматуллоҳ Зойиров ба унвони номзади ягона пешниҳод мешуд. Ҳамагӣ медонем, ки ин мард аз шуҷоати кофӣ барои ин кор бархӯрдор аст.”
Аз сӯи дигар Амруллоҳи Низом, хабарнигори тоҷик, бар инаст, ки тасмими ИНИТ комилан санҷида ва ҳадафмандона мебошад. Ӯ мегӯяд, ИНИТ бо интихоби Бобоназарова ба ҳукумати феълӣ, ки ба гуфтаи ӯ барномаҳои мухталиферо алайҳи онҳо роҳандозӣ кардааст, посухи дандоншикан дод.
Вале яке аз корбарони фейсбук бо номи "Исмоили Сомонӣ" мегӯяд, ҳар чанд Ойниҳол Бобоназароваро як ҳуқуқшиноси варзида ва муваффақ мешиносад, вале бовар надорад, ки ӯ аз уҳдаи раҳбарии Тоҷикистон дар замони феълӣ барояд.
Ба андешаи “Исмоили Сомонӣ” ҳоло барои Тоҷикистон як раҳбари марде лозим аст, тавонад онро аз вартаи нобудшавӣ раҳо созад: “Ин давраи сангин, бозсозии тамоми корхонаҳои давлатӣ, барқарор кардани волоияти қонун, мубориза бо фасод ва ҷурму ҷиноятҳои иқтисодӣ як неруи мардона талаб мекунад. Як зан тавони бардошти ин ҳамаро надорад ва ҳам мухолифи фарҳанги мост, ки ин ҳамаро бар дӯши як зан ё худ модар бор кунем.”
Ин корбари шабакаи иҷтимоӣ гуфтааст, бояд хишти нахустини бинои адолат ва демократиро дар Тоҷикистон мард гузорад, зеро онро фарҳанги мардуми тоҷик талаб дорад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
