06 сен 2013 10:45Тоҷикистон / Иқтисодӣ / Тема дня

Раиси дастгоҳи КМИР: Мо ба ручкаи касе ниёз надорем!

Абдуманнон Додоев, раҳбари дастгоҳи Комиссияи марказии интихобот ва раъйпурсии Тоҷикистон, рӯзи 6-уми сентябр дар ҳузури хабарнигорон танқисӣ аз маводи конселяриро рад намуда, таъкид кард, ки ба ручкаҳои касе ниёз надоранд.

Додоев афзуд, Комиссияи марказии интихобот дар ҳавзаҳо тамоми шароитро барои овоздиҳӣ муҳайё хоҳад кард: “Мо ба ручкаи касе ниёз надорем. Ҳама чиро худамон муҳайё мекунем.” КМИР мегӯяд, беш аз 25 номгӯи маводи конселяриро дар ҳавзаҳо фароҳам хоҳад кард.

Ин дар ҳолест, ки Шермуҳаммади Шоҳиён, раиси КМИР, чанд рӯз қабл дар мулоқот бо аҳзоби сиёсӣ бо ишора ба маблағгузорӣ нашудани баргузории интихобот аз тарафи созмонҳои байналмилалӣ гуфт, КМИР дар ин интихобот бори аввал тамоми хароҷотро бар уҳдаи худ гирифта, имкони расонидани нусхаи протоколро ба ҳамаи нозирон надорад.

Муҳиддин Кабирӣ, раҳбари ҲНИТ дар навбати худ аз пеш овардани далелҳое ба монанди норасоии маблағ интиқод намуд. Ба гуфтаи вай, барои нусхабардорӣ кардани протокол шояд ҳатто ҳазор сомонӣ масраф нашавад. Раҳбари ҲНИТ гуфт, ки “чандин бор пешниҳод кардем, то варақаҳои интихоботӣ бо қалам пур карда нашаванд. Аммо ба мо мегӯянд, барои таъмини ҳавзаҳои интихоботӣ бо ручка маблағ надорем. Чунин далелҳо набояд бошад. Дар Тоҷикистон камтар аз 4 ҳазор ҳавзаи интихоботӣ аст ва барои таъмини онҳо бо ручка ҳамагӣ ҳазор сомонӣ кифоя аст.”

Дар пасманзари ин гуфтаҳо бисёре аз шаҳрвандони Тоҷикистон дар шабакаҳои иҷтимоӣ изҳор доштаанд, ки омодаанд барои саҳмгузорӣ дар интихоботи шаффоф ба КМИР ручка ё худкор тақдим кунанд.

Мӯҳр

Хабарҳои монанд:

мушохидакор

Шохиёна бовар кунем ё ки муовинашро? ба фикрам ба хардуяш бовар мекунем зеро додов бо ручка таъмин мекунанд вале мумкин аст бо фоли Шохиён ва сабахои техники ручка беранг барояд. Аз ду сар интихобкунндагони азиз гирифтани ручкаро фаромуш насозед.

Ҷавоб диҳед Иқтибос Шикоят

ХАКГУ

Болтуев дар хакикат мардаки коригар будай. Ин Комиссияи нави Додуву бедодув аллакай дар хамин як интихобот сару сомонашона гум карданд.

Ҷавоб диҳед Иқтибос Шикоят

ХАКГУ

ТИБКИ ФЕХРИСТИ МАНСАБХОИ ДАВЛАТИИ ЧУМХУРИИ ТОЧИКИСТОН
ДАР КОМИССИЯИ МАРКАЗИИ ИНТИХОБОТ ВА РАЪЙПУРСИ МАНСАБХОИ ЗЕРИН МУКАРРАР ШУДААНД: РАИС, МУДИРИ КОТИБОТ, ЁРДАМЧИИ РАИС, САРМУТАХАССИС, МУТАХАССИСИ ПЕШБАР, МУТАХАССИС.

АЧОИБОТАШ ОН АСТ. КИ РОХБАРИ ДАСТГОХ АЗ КУЧО ПАЙДО ШУД Ё ТАВБА.

Ҷавоб диҳед Иқтибос Шикоят

мушохидакор

Шумо на ручка балки ба МОЗГИ ниёзи беандоза доред!!!)))))))))))

Ҷавоб диҳед Иқтибос Шикоят

Нигохи нав

Айни хол Точикистон кушиш карда истодааст, ки ба чахониен хамкадам шавад! Шояд Мансаби Рохбари Дастгохи КИРТ як навоварие бошад дар Интихоботи имсола барои шаффоф гузаштанаш!!!!!

Айни хол Точикистон кушиш карда истодааст, ки ба чахониен хамкадам шавад! Шояд Мансаби Рохбари Дастгохи КИРТ як навоварие бошад дар Интихоботи имсола барои шаффоф гузаштанаш!!!!!

Ҷавоб диҳед Иқтибос Шикоят

Эзоҳ илова кунед