29 авг 2013 14:43Тоҷикистон / Иҷтимоӣ / Тема дня

Танқисии журналистон аз хона ба самъи Убайдуллоев расонда мешавад

Иттифоқи журналистони Тоҷикистон тасмим гирифтааст, ба Маҳмадсаид Убайдуллоев, раиси шаҳри Душанбе ва раисони шаҳру навоҳии дигар барои ҷудо намудани замин барои сохтмони манзил ба кормандони воситаҳои ахбори оммаи кишвар, муроҷиат намояд.

Тавре аз ин иттифоқ ба «Озодагон» иттилоъ доданд, мақсад аз ин муроҷиаташон ин аст, ки замин ё манзил ба журналистон аз тарафи шаҳрдорӣ бо нархи арзон ва бо роҳи қарздиҳӣ фурӯхта шуда, маблағи онро журналистон дар давоми 10-15 сол бе таъйини фоиз пардохт намоянд.

Масъулини Иттифоқи журналистон иброз медоранд, дар ин масъала саъй хоҳанд кард, то бо шаҳрдорӣ мувофиқа ҳосил гардад: «Комиссия иборат аз шахсони босалоҳият-аъзои Иттифоқи журналистони Тоҷикистон ва як нафар намояндаи идораи ВАО эҳтиёҷи воқеии кормандро ба манзил месанҷанд. Баъди анҷоми кори комиссия пешниҳод ва рӯйхати умумӣ аз тарафи Иттифоқи журналистон ба унвонии раисони шаҳру ноҳияҳо фиристода мешавад».

Иттифоқи журналистон аз масъулини идораҳои воситаҳои ахбори омма хоҳиш намудааст, ки рӯйхати кормандонашонро, ки ба манзил эҳтиёҷ доранд, сарфи назар аз он, ки аъзои ин иттифоқ ҳастанд ё на, то 10-уми сентябри соли равон ба ин ниҳод ирсол намоянд.

Мӯҳр

Хабарҳои монанд:

Журналист

Ба Шахрзоди Амин дар навбати аввал хона дода шавад.

Ҷавоб диҳед Иқтибос Шикоят

Хатлон

Устоди мухтарам Акбари Саттор мо аз соли 2005 боз дар навбати замин мунтазир нишастаем. Аризаву дигар санадхои омода намудаи мо чандин маротиба аз Коммияи таксими замини нохияхо гайб зада бошанд хам, бовар дорем сохиби замин мешавем. Танхо он ваъдахоро бояд мушовирон ба раиси Хатлон Гайбулло Авзалов ёдрас кунанд

Ҷавоб диҳед Иқтибос Шикоят

Эзоҳ илова кунед