12 авг 2013 08:45Тоҷикистон / Тема дня

Тоҷикони лагери Маскав гуноҳашонро иқрор кардаанд

Муҳаммад Эгамзод, намояндаи Сафорати Тоҷикистон дар Русия аз лагери муваққатӣ барои муҳоҷирон дар ноҳияи Голяноваи Маскав дидан карда, бо тоҷикони лагер суҳбат доштааст.

Ба иттилои сафорат дар суҳбат бо дипломат, муҳоҷирони тоҷикистонӣ эътироф намудаанд, ки қоидаҳои ҳузур дар қаламрави Русияро вайрон намудаанд ва ягона хоҳишашон ин будааст, ки ҳар чӣ зудтар ба Ватан истирдод гарданд. Эгамзод фаҳмондааст, ки масъалаи истирдоди онҳо, бо гузашти 10 рӯз аз содир гардидани ҳукми додгоҳ амалӣ хоҳад шуд.

Ба иттилои сафорат, аз 10 шаҳрванди Тоҷикистон--Нусратулло Ризвоншоеви 42 сола, сокини ноҳияи Ҷ.Руми, Акбар Валиеви 51 сола, сокини ноҳияи Муминобод, Абдулҳалим Ҳусайнови 38 сола, сокини шаҳри Кулоб, Мирсаид Ганжалови 23 сола, сокини ноҳияи Н.Хусрав, Абдураҳмон Назарови 21 сола, сокини ноҳияи Қумсангир, Фурқат Баҳромови 26 сола, сокини ноҳияи Ҳисор, Исмоил Нурбекови 20 сола, сокини ноҳияи Ҷиликўл, Бахталӣ Қувватови 22 сола, сокини ноҳияи Ёвон, А. Самадови 18 сола, сокини шаҳри Душанбе, Ҷаҳонгир Раҳимови 22 сола, сокини шаҳри Кӯлоб, ки дар ин лагер нигоҳдорӣ мешуданд, 7 нафарашон ба боздоштгоҳи махсуси шаҳрвандони хориҷӣ интиқол ёфта, дар худи лагер се нафарашон боқӣ мондаанд.

Намояндагии Тоҷикистон мегӯяд, муҳоҷирони тоҷик аз вазъи саломатияшон шикоят надоранд.

Мӯҳр

Хабарҳои монанд:

хакер

аааа?!

Ҷавоб диҳед Иқтибос Шикоят

Мухочир

Аз Эгамзод ва сафорати точикистон бештар аз ин интизор нест. Аз дасташон хеч чиз намеояд. Дар назди русхо муттахаманд. Бале инхо факат махорат доранд ки айби хамватанони худро кашф кунанд аз прокуратураву суду амнияту милисаву дигару дигарашон саркарда факат айби точиконро меёбанд, зеро точик давлат надорад, сохиб надорад.........

Ҷавоб диҳед Иқтибос Шикоят

Бека - мухочир

Ба аааа?! Дар кучои ту мусулмони аст? Мо худ шохиди он будем, ки микдори ками шахрвандони мо махз бо ташаббуси сафорат рохи халли кори худро ёфтанд. Ба умеди ту барин худобехабарон шаванд, ки ба гайр аз таънаи янга ба кайсингул дигар чизеро намедонад, бачахо бесохиб мемонданд. Илтимос дар бораи чизе ки маълумот надори бехуда лак - лак накун. Сиёхдили ва шурангези хоси шайтон аст.

Ҷавоб диҳед Иқтибос Шикоят

Эзоҳ илова кунед