Омбудсмен: Дархости Зайдро оиди мулоқот нагирифтаем
Ин дар ҳолест, ки вакилони мудофеи Зайд Саидов мегӯянд, ҳанӯз 6-уми август зерҳимояашон, тариқи роҳбарияти Боздоштгоҳи муваққатӣ ба Омбудсмени тоҷик дархост роҳӣ карда, хоҳиш намудааст, ки аз ҳоли ӯ дар боздоштгоҳи муваққатӣ хабар гирад. Саидов аз омбудсмени тоҷик хостааст, ки барои мулоқоти як ба як бо вакилони мудофеъаш мусоидат кунад.
Аммо Азиз Солиев, масъули бахши иттилоотии дафтари омубдсмени тоҷик, имрӯз, 9-уми август дар суҳбат ба хабаргузории “Озодагон” гуфт, то ҳол дархостномаро дастрас накардаанд. Ӯ афзуд, ки ин таъхиркорӣ шояд ба рӯзи истироҳат рабт дорад, ки чун 8-уми август дар Тоҷикистон мардум иди Фитрро таҷлил мекарданд.
Зариф Ализода ҳафтае қабл дар нишасти матбуотияш дар мавриди Зайд Саидов, соҳибкор ва раҳбари гуруҳи ташаббускори таъсиси ҳизби “Тоҷикистони нав” изҳор дошт, ки ӯ ҳоло танҳо шахси гумонбар буда, ҷинояткор будан ва ё набудани ӯро танҳо додгоҳ муаяйн хоҳад кард. Зариф Ализода изҳори нигаронӣ аз он намуд, ки ҳарчанд ҳоло парвандаи Зайд Саидов дар додгоҳ баррасӣ нашудааст, вале дар ҷомеа он ба таври гуногун матраҳ мешавад. Омбудсмен бо зикри таасуроташ аз мулоқот бо Зайд Саидов, ки дар дар рӯзҳои аввали боздошт дар Оҷонсии зидди фасод сурат гирифт, афзуд, ки ҳоли Саидов хуб аст ва шикояте надошт.
Дар робита ба шикояти вакилони дифоъи Зайд Саидов аз маҳдуд будани мулоқоти рӯ ба рӯ бо зерҳимояашон ваколатдор оид ба ҳуқуқи инсон гуфта буд, ки дар ин маврид ҳеч даъвои расмӣ қабул накардааст. Зариф Ализода гуфт, ки шахсан аз рафти тафтишоти қазияи Зайд Саидов назорат бурда, тасмим дорад, то дар муҳокимаи додгоҳӣ низ ширкат варзад.
Зайд Саидов, соҳибкори шинохта ва раҳбари гуруҳи ташаббускори ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми май боздошт шуда, айни ҳол дар боздоштгоҳи муваққатии Кумитаи амнияти миллӣ нигоҳдорӣ мешавад. Ӯ дар порагирӣ, қаллобӣ, тамаъҷӯӣ, таҷовуз ба номус, бисёрзанӣ, алоқаи ҷинсӣ бо ноболиғ ва водор намудан ба исқоти ҳамл муттаҳам мешавад. Коршиносони тоҷик иттиҳомот алайҳи Зайд Саидовро супоришӣ унвон карда, ба азмаш барои ворид шудан ба майдони сиёсат марбут медонанд, аммо масъулини Оҷонсии зидди фасод қатъиян ин иддаоро рад мекунанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
