02 авг 2013 16:21Тоҷикистон / Тема дня
Зоиров: "Маро дар пахши изҳороти беасос муттаҳам карданиянд"
Вай пас аз чанд лаҳзаи берун омадан ба “Озодагон” гуфт, далели даъваташ изҳороти ахири ӯ дар мавриди ҳаводиси Хоруғ, гумшавии раҳбари ҷамъияти узбакҳои Хатлон ва дигар масъалаҳо будаанд.
“Асосан сӯҳбат дар мавриди ҳаводиси Хоруғ буд, ки чанде пештар онро террори давлатӣ номида будам. Намояндагони додситонӣ иддао доранд, ки ман онро нодуруст баҳогузорӣ кардаам. Аммо ман ба онҳо гуфтам, ҳамаи саволҳоятонро дар шакли дуруст таҳия кунед, ман рӯзи душанбе (5 август) аз соати 11:00 то соати 18:00-и бегоҳ омада, ба ҳамаашон хаттӣ ҷавоб медиҳам ва дар зерашон имзо хоҳам гузошт. Гуфтам, ҳар нукта ва суханеро, ки дар мавриди ҳаводиси Хоруғ гуфтаам, бо далелҳояш хаттӣ ироа хоҳам кард”,-гуфт ӯ.
Дар мавриди он ки оё мақомот наметавонанд Зоировро барои изҳороти беасос муттаҳам кунанду ба ҷавобгарӣ кашанд, ӯ изҳор дошт, ки албатта чунин эҳтимол вуҷуд дорад. “Аммо ман фикр намекунам, барои ин изҳоротам, ки ман асоснокии онро исбот карда метавонам, метавонанд нисбат ба ман парванда кушоянд ё ба ҳабс гиранд”,-афзуд ӯ.
Қаблан Раҳматулло Зоиров, раҳбари сотсиал-демократҳои Тоҷикистон, бо пахши як муроҷиатнома аз президент ва ҳукумати кишвар даъват намуд, ки бо дарки масъулияту мардонагӣ амалиёти низомии 24-уми июл дар Хоруғро “террори давлатӣ” эътироф кунанду фармондеҳони амалиёт муҷозот гарданд. Зоиров дар муроҷиатномааш ба президент, парлумон ва ҳукумати Тоҷикистон гуфт, замони баҳогузории воқеии ҳаводиси Хоруғ фаро расидааст: “Мутмаинам, ҳаводиси моҳи июли соли 2012 дар Хоруғро ба ҷузъ як амали тарҳрезишудаи террори давлатӣ, чизи дигар номидан мумкин нест."
Раиси ҲСДТ, ки ҳамзамон раҳбари Консорсиюми юридикии Тоҷикистон аст, таъкид мекунад, ки тайи солҳои охир ҳукумати Тоҷикистон бо баҳонаи мубориза бо терроризм, даст ба террори давлатии густурда болои аҳолии кишвар мезанад. Зоиров бо такя ба ҳуҷҷатҳои байналмилалӣ ташреҳ медиҳад, ки террори давлатӣ ин боздоштҳои ғайриқонунӣ, кушторҳо, гаравгонгириҳо, шиканҷа ва қатли шаҳрвандон бе тафтишоту додгоҳ аз ҷониби мақомоти қудратӣ мебошад. Бо зикри чанд асноди дигари байналмилалию илмӣ Зоиров амалиёти Хоруғро намунаи барҷастаи террори давлатӣ арзёбӣ мекунад.
Раҳбари Ҳизби сотсиал-демократи Тоҷикистон пешниҳод мекунад, ки 24-уми июл, рӯзи ёдбуди зарардидагон аз фишору зӯровариҳои ғайриқонунӣ эълон гардад. Зоиров аз парлумон хостааст, ки ба Кодекси ҷиноии Тоҷикистон тағйирот ворид шаванду амалиёти ғайриқонунии ҳукумат ва мансабдорон алайҳи аҳолии осоишта ба банди терроризм ворид гарданд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
