01 авг 2013 09:35Оcиёи Марказӣ / Тоҷикистон

Тақозои раиси ҲНИТ аз раиси Кумитаи радио ва телевизион

Муҳиддин Кабирӣ, раиси Ҳизби Наҳзати Исломии Тоҷикистон (ҲНИТ) бо ирсоли як нома аз Асадулло Раҳмонов, раиси Кумитаи радио ва телевизиони Тоҷикистон, талаб кардааст, барои пахши раддия ба онҳо низ шароит фароҳам оварад.

Дар номаи Кабирӣ омадааст, “вақтҳои охир дар шабакаҳои радио ва телевизионҳои давлатӣ маъракаи васеи таблиғотӣ алайҳи ҲНИТ ба роҳ монда шудааст, ки гоҳо дар он таҳқиру буҳтон низ ҷой дорад.”

Раиси ҲНИТ чунин амалкардро хилофи қонунҳои Тоҷикистон ва сулҳу ваҳдати миллӣ номида ва гуфтааст, “он ба якпорчагӣ ва суботи кишвар зарба мезанад”. “Агар мақсад аз пахши чунин барномаҳо таъмини гуногунандешӣ ва плюроализми сиёсӣ бошад, зарур аст, ки назари тарафи дигар ҳам дар расонаҳои давлатӣ инъикос гардад”,-афзудааст ӯ.

Дар поёни номаи Муҳиддин Кабирӣ ба Асадулло Раҳмонов таъкид шудааст, ки “аз ин рӯ, дар асоси моддаи 15-и Қонун “Дар бораи ҳизбҳои сиёсӣ” ва моддаи 24-и Қонун “Дар бораи матбуот ва дигар воситаҳои ахбори омма”, роҳбарияти Ҳизби наҳзати исломии Тоҷикистон аз Шумо талаб менамояд, шароитро ба масъулини ҳизбӣ барои раддия дар ҳамон воситаи ахбори оммаи давлатӣ ва ҳамон вақти пахшгардида, таъмин намоед.”

Ба дунболи дидору мулоқоти Эмомалӣ Раҳмон бо имомхатибони масоҷиди Тоҷикистон дар рӯзи чоруми июли соли ҷорӣ, барномаҳои мухталифе дар шабакаҳои радиои ва телевизиони Тоҷикистон пахш шуданд, ки аксарияташон аз фаъолияти ҳизби динии исломӣ дар кишвар интиқод карда, онро нозарур медонанд.

Мӯҳр

Хабарҳои монанд:

патриот

ПВТ можно и так, и требовать предоставит Э/В , а так ПИВТ это грешно по канонам шариата спросите у своего духовного лидера Турачонзода. А так ПИВТ получила в лице О.Зохирова псевдо патриота очень хорошего юриста, как говорится если надо, то атеист и исламист в политике друзья.
С какого х..р мы зрители не хотим видит вашу рожу в гостелеканалах .

Ҷавоб диҳед Иқтибос Шикоят

Хайрандеш

Агар ичозат шавад, дар тули 20 соли охир аввалин барномаи дидание хохад буд. Интизорем, устод Кабири.

Ҷавоб диҳед Иқтибос Шикоят

Исфара Сурх

Агар барномахоятон соати яки шабхам бошад ИНШОАЛЛОХ мебинем.

Ҷавоб диҳед Иқтибос Шикоят

Эзоҳ илова кунед