30 июл 2013 10:36Тоҷикистон / Қазияи Зайд Саидов / Сиёсат

Адвокатҳо: Умеди охирини Зайд Саидов ба ҷомеаи шаҳрвандӣ аст

Фахриддин Зокиров ва Исҳоқ Табаров, вакилони мудофеи Зайд Саидов, рӯзи 30-юми июл бо баргузории як нишасти изтирорӣ иддаои Фаттоҳ Саидов, раиси Оҷонсии мубориза бо фасоди молиро алайҳи нафари таҳти ҳимояташон беасос хонданд.

Онҳо гуфтанд, ҳоло бар зидди Зайд Саидов аз рӯи 10 модда, аз ҷумла барои порагирӣ, қаллобӣ, тамаъҷӯӣ, таҷовуз ба номус, бисёрзанӣ, алоқаи ҷинсӣ бо ноболиғ парвандаи ҷиноӣ боз шудааст ва ба ҳамин минвол мақомот мехоҳанд, Зайд Саидовро шикаст диҳанд. Ба қавли онҳо, ин ҳама иттиҳомот, махсусан иттиҳоми алоқа бо ноболиғ ба рӯҳияи Зайд Саидов зарбаи сахт расонда ва умеди охиринаш ба намояндагони ҷомеаи шаҳрвандӣ будааст.

Фахриддин Зокиров, яке аз вакилони мудофеи Зайд Саидов, дар мавриди иттилои паҳннамудаи Фаттоҳ Саидов, ки гӯиё нафари таҳти ҳимояташ дар замони вазирияш 15 корхонаро ғайриқонунӣ аз худ кардааст, гуфт, ин воқеият нест ва муфассал шарҳ дод: “Масалан мегӯяд, Зайд Саидов 15 иншооти давлатиро дар замони вазирияш ба номи ҳамсоя ва наздиконаш карда, баъди аз визирӣ рафтанаш ба номи худ кардааст. Ин нодуруст аст, зеро ин ҳамааш салоҳияти Кумитаи сармоягузорӣ ва идораи амволи давлатӣ аст.”

Зокиров дар мавриди он, ки гӯиё Зайд Саидов 72 миллион сомониро аз худ кардааст, гуфт, ин иттиҳом дар ягон парвандаи ҷиноӣ ҷой надорад: “Баъд мебинем, бо ин далел ба додгоҳ меравад. Агар нисбаташ иттиҳом эълон нашудаст, ба додгоҳ рафтанаш ҳам нодуруст аст.”

Фахриддин Зокиров гуфтаҳои Фаттоҳ Саидов дар бораи 1,5 сол пеш оғоз шудани тафтишот алайҳи Зайд Саидовро низ беасос хонда, афзуд: “Зайд Шерович дар ин бора ҳеч иттилоъ надорад. Агар тафтишоту парванда оғоз шуда бошад, чаро то ҳозир додситонӣ хабар надорад. Дар давоми ин 1,5 сол Зайд Шерович хамчун вакили шаҳр буд. Чӣ гуна аз соли 2011 парванда хомӯш будааст ва дар парвандаҳо низ чизе нест.”

Дар ҳамин ҳол, адвокатҳо бо овардани далелҳо ва суолгузорӣ беасос ва сохта будани иттиҳомот алайҳи Зайд Саидовро таъкид намуда, изҳор доштанд, ки парванда аз рӯи иттиҳом ба таҷовуз махсус роҳандозӣ шудааст. Исҳоқ Табаров, вакили мудофеи дигари Зайд Саидов мегӯяд, “иттиҳоми таҷовуз барои он пайдо шуд, ки ин иттиҳом хеле нозук аст. Зайд Шерович ҳам одами ҳассос аст ва ин иттиҳом ба руҳияи ӯ зарба задааст. Духтар гуфтааст, ки номаш дар ҳеч куҷо зикр нашавад. Мақсади мақомот ин аст, ки баррасии парванда пӯшида сурат бигираду ҷомеа аз он комилан бехабар бимонад.”

Табаров афзуд, дар таърихи юриспруденсия бори аввал аст, ки дар асоси ариза парвандаи ҷиноятӣ кушода шавад: “Ин бояд дар асоси ташхиси тиббӣ ва судӣ бошад. Аммо ариза дар мавриди таҷовуз 16-уми июл ворид шудааст, худи он рӯз қабул гардидааст ва ҳамон рӯз парвандаи ҷиноятӣ кушода шудааст.” Исҳоқ Табаров илова намуд, “мо ҷабрдидаро надидаем. Модарашро бо Зайд Шерович рӯ ба рӯ карданд ва Зайд гуфт, ки он шахсро намешиносад.”

Зайд Саидов, соҳибкори шинохта ва раҳбари гуруҳи ташаббускори ҳизби “Тоҷикистони нав”, як моҳ баъд аз эълони азмаш барои таъсиси ҳизби сиёсӣ, субҳи 19-уми май боздошт шуда, айни ҳол дар боздоштгоҳи муваққатии Кумитаи амнияти миллӣ нигоҳдорӣ мешавад. Ӯ дар қаллобӣ, гирифтани ришва, сӯистифода аз мақом ва серзанагӣ муттаҳам мешавад. Коршиносони тоҷик иттиҳомот алайҳи Зайд Саидовро супоришӣ унвон карда, ба азмаш барои ворид шудан ба майдони сиёсат марбут медонанд.

Мӯҳр

Хабарҳои монанд:

roziya az Dushanbe

Уважаемые господа адвокаты вам нужно будет немного увереннее в себе и решительнее в таком серьёзном деле как дело З.Саидова. Даже люди не просвещенные в делах юриспруденции за это время поняли, что дело против Саидова сфабрикованное и заказное, имеет политический характер. Его задержали и арестовали с самого начало не законно, а обвинения которые предъявляются не входят в компетенцию Антикоррупционного агентства. В части проверок и ревизии деятельности предприятий, принадлежащих Зайду Шеровичу :однозначно проверка документов а также самих объектов должны производиться в личном присутствии руководителя и главного бухгалтера того или иного предприятия, чего не было сделано со стороны расследуемых органов. Разве Саидов государственный преступник, чтобы его задерживали с трапа самолета? Господа адвокаты, почему вы не попытались до сих пор официально обратиться к международным правовым институтам по защите прав вашего подзащитного? А если с ним что нибудь случиться в этом сизо, ведь у него со здоровьем не все в порядке. Кто тогда ответит за все? Говорите, "Последняя надежда Зайда С. на широкие слои населения"? Так давайте же объединим усилия и вместе будем искать пути решения , только законным путем, о чем уже народ бьет тревогу уже более 2х месяцев. Извините, но в отличии от вас Шухрат Кудратов более внимателен к своим подзащитным.

Ҷавоб диҳед Иқтибос Шикоят

Rustam Rustamov

Roziya az Dushanbe МУХТАРАМА... АГАР БАРОИ ЗАЙД САИДОВ БЕХТАРИН АДВАКАТХОИ ДУНЁРО БИЁРАНД ФОИДАЕ НАДОРАД ВА ХИМОЯ КАРДААШ НАМЕТАВОНАНД МЕДОНИ БАРОИ ЧИ?.
БАРОИ ОНЕ, КИ ФАРМОН ДАР БОРАИ ЗАЙД САИДОВ АЗ БОЛОСТ, КИ БОЯД ЗИНДОНИ ШАВАД.

Ҷавоб диҳед Иқтибос Шикоят

Эзоҳ илова кунед