29 июл 2013 11:10Оcиёи Марказӣ / Узбакистон

Нашрияҳои узбакӣ Ислом Каримовро на президент, балки "подшоҳ" номиданд

Нашрияҳои Узбакистон дастаҷамъона дар шумораи ҳафтаи гузаштаи худ аз дастовардҳои кишварашон ном гирифта, яке аз онҳо Ислом Каримов, раисиҷумҳури хешро на президент, балки “Подшоҳ”-и мардуми узбак хондааст.

Ба навиштаи торнамои “Узметроном”, ҳафтаномаи узбакии “Истиқлол куешӣ” дар шумораи 25-уми июли худ мақолаи ҷавобиеро ба мактуби яке аз хонандагонаш зери унвони “Президенти ман” нашр кардааст. Дар он намояндаҳои қишри ҷавон, собиқадорҳо ва соҳибкорон дар якҷоягӣ аз ақидаи муаллимон дар мавриди хидматҳои беанадозаи раҳбари давлаташон ҳимоят кардаанд. Онҳо ба таври қотеъ розигии худро бо ибораи “Ислом Каримов президенти доимии ман” баён кардаанд.

Рӯзномаи “Туркистон” матлаберо таҳти унвони “Агар дар рӯи замин биҳишт аст...” чоп карда, муаллиф дар ин мақола Узбакистонро бо биҳишт муқоиса кардааст: “Ба мо як минтақае аз биҳишт насиб гаштааст, аз он хотир, ки аз Худованд ҳамеша шукргузорем. Ҳазор бор шукрона аз он менамоем, ки барои мо як подшоҳи оқилу одил додааст. Дар ҳама ҷой ҷангу фақру буҳрони иқтисодӣ ҳукумфармост. Аммо мо ҳамоно бо дастовардҳои худ дар роҳи созандагию бунёдкорӣ оламро тасхир мекунем. Магар ин ҳама дастовардҳои кишвар дар муддати 22 сол натиҷаи он иқдомҳои оқилонаи Ислом Каримов намебошад?”.

Мӯҳр

Хабарҳои монанд:

Хайрандеш

магар дар мо низ чунин нест?

Ҷавоб диҳед Иқтибос Шикоят

зиёи

кал додари кур

Ҷавоб диҳед Иқтибос Шикоят

Ҷамшед

Яке аз он "дастовардҳои" подшоҳи Ӯзбакистон он аст ки мардумаш ҷабран суханчину хабаркаш (стукач) гардидаанд. Фарз кардем, аз хориҷа (бахусус аз Тоҷикистон) хонаи шумо меҳмоне ояд, ҳамсояи шумо фавран аз ин "рӯйдоди фавқулодда" ниҳодҳои маҳаллиро (милисаро) хабар медиҳад. Лаҳзае нагузашта се чор нафар милиса бо ҷип ё БТР ба хонаи шумо ҳамла мекунанд. Пас аз он вой ба ҳоли шумову меҳмонатон. Аз омаданаш пушаймон мешавад. Натарсед, шумо аз ҳамсоя барои "хизматҳои ватандӯстиаш" қарздор намешавед. Ба шарте ба хонаи ҳамсоя меҳмони хориҷие омад, шумо бояд хабаркашӣ кунед. Вагарна боз ҳам вой ба ҳолатон ки "таъҷилан ватандӯстӣ" нишон надодед.

Ҷавоб диҳед Иқтибос Шикоят

демократ

Ин озодие дар точикистон хаст дигар дар осиёи миёна
нест

Ҷавоб диҳед Иқтибос Шикоят

shams

Агар дар узбехо дар рузномахо шох эълон наомнд президентро пас дар Точикистон тарики садову симо хамруза мешунавем ва мебинем, ки президенти Точикистон шох аст.

Ҷавоб диҳед Иқтибос Шикоят

Эзоҳ илова кунед