24 июл 2013 14:41Тоҷикистон / Сиёсат

Вайсиддин эътирози тоҷирони Ваҳдатро кори муғризон гуфт

Анвари Вайсиддин, раиси шаҳри Ваҳдат, имрӯз, 24-уми июл, зимни нишасти матбуотияш ба эътирози ахири тоҷирони бозори марказии шаҳр дахл карда, изҳор дошт, ки бо соҳибкорон зиддияте надорад.

Анвари Вайсиддин гуфт, ҳар талаботе, ки шаҳрдории Ваҳдат пеши соҳибкорон мегузорад, дар доираи қонунгузории Тоҷикистон ва барои таъмини тартибот аст: “Талаботи мо пеш аз ҳама ба фоидаи худи соҳибкорон ва барои тартиботанд. Аммо миёни соҳибкорон гуруҳҳои муғриз астанд, ки мухолифи ҳар гуна тартиботу навоварӣ ҳастанд.” Раиси Ваҳдат эътирозҳоро низ кори дасти ин гуруҳҳои муғриз гуфт.

Ин дар ҳолест, ки моҳи апрели соли ҷорӣ беш аз сад тоҷири бозори марказии шаҳри Ваҳдат ба нишони эътироз дар назди дарвозаи бозор гирди ҳам омаданд.

Тавре ҷамъомадагон дар суҳбат бо “Озодагон” изҳор доштанд, норозигии асосии онҳо ба талаботи ҳукумати маҳаллист, ки мехоҳад, тоҷиронро аз ҷойи корашон ба бозори нави шахсӣ кӯчонад. Ин дар ҳолест, ки ба гуфтаи тоҷирон бозори марказии Ваҳдатро онҳо бо пули худ обод кардаанд ва ҳар моҳе пули андозро саривақт месупориданд.

Як зани миёнсол, ки дар миёни тазоҳургарон буд, аз сахтии рӯзгораш шикоят намуда, аз ҷумла гуфта буд, "7 фарзанд дорам, ки якеаш маъюб аст. Аз се бонк ба маблағи 15 ҳазор доллари амрикоӣ қарздор ҳастам, агар бовар накунед, инҷо бо худ ҳуҷҷатҳо дорам. 15 ҳазор доллар қарз гирифта, рӯзи худро мегузаронам. Ҳукумат парво надорад, чун шиками онҳо сер аст. Онҳо парвои камбағал надоранд. Худ қазоват кунед, ҳашт фарзандро нон додан осон аст?! Шиками раис бошад, сер аст, аммо мо обу барқ надорем. Худи Эмомалӣ Раҳмон гуфта буд, пайдо кунеду бихӯред, ин чи рӯзи сиёҳ аст, болои мо? Дар болои ин духтарам бо чаҳор фарзандаш дар хонаи ман зиндагӣ мекунад, ба куҷо арз кунам, ба куҷо шикоят барам, намедонам."

Дар ҳамин ҳол худи мақомоти Ваҳдат низ тасдиқ мекунанд, ки рӯзгори бисёри аз сокинони ноҳия аз ҳисоби маблағи муҳоҷирон дар чархиш аст. Тибқи иттилои ҳукумати Ваҳдат дар шаш моҳи аввали соли равон ба ин ниҳия аз ҳисоби муҳоҷирон ҳудуди 315 миллион сомонӣ ворид шудааст, ки дар муқоиса бо ҳамин давраи соли гузашта 123 миллион зиёдтар мебошад.

Мӯҳр

Хабарҳои монанд:

ОШНО

Як зани миёнсол, ки дар миёни тазоҳургарон буд, аз сахтии рӯзгораш шикоят намуда, аз ҷумла гуфта буд, "7 фарзанд дорам, ки якеаш маъюб аст. Аз се бонк ба маблағи 15 ҳазор доллари амрикоӣ қарздор ҳастам, агар бовар накунед, инҷо бо худ ҳуҷҷатҳо дорам. 15 ҳазор доллар қарз гирифта, рӯзи худро мегузаронам. Ҳукумат парво надорад, чун шиками онҳо сер аст. Онҳо парвои камбағал надоранд. Худ қазоват кунед, ҳашт фарзандро нон додан осон аст?! Шиками раис бошад, сер аст, аммо мо обу барқ надорем. Худи Эмомалӣ Раҳмон гуфта буд, пайдо кунеду бихӯред, ин чи рӯзи сиёҳ аст, болои мо? Дар болои ин духтарам бо чаҳор фарзандаш дар хонаи ман зиндагӣ мекунад, ба куҷо арз кунам, ба куҷо шикоят барам, намедонам."
аз чехрааш маълум ки ачузаи маккор аст ин зан. О 15 хазор доллара чи корди аз бонк гирифта, духтарат барои чи бо шавхараш зиндаги намекунад? гуфта напурсидед? Вайсиддин ку барои оонхо бозори наву замонави сохта магозахоро ройгон пешниход карда истодааст, пас барои чи он бозор намегузаранд, зеро сохибони ин бозори кухна бе насиб мемонанд. Гап дар сари точирон не дар бозор дорон аст. Онхо бошанд хар ду тараф ба Э Рахмон хеч иртиботе надоранд, зеро хама мардуми бумии Вахдатанд. Хатто хешу табори Турачонзодахо. Озодагон озод бош!

Ҷавоб диҳед Иқтибос Шикоят

Ноошно

Ошно! рута лахча накун дуруггу.

Ҷавоб диҳед Иқтибос Шикоят

Ахмад

Вой бар шумо хамича хам турачона кати кардед да

Ҷавоб диҳед Иқтибос Шикоят

ytobe

муғриз - ? озодагон дар поёни макола лугат истифода баред

Ҷавоб диҳед Иқтибос Шикоят

Эзоҳ илова кунед