23 июл 2013 10:41Тоҷикистон / Иҷтимоӣ

Эътирофи раиси калонтарин ноҳияи қарздори Хатлон: "Корам суст"

Ҷумъахон Сафаров, раиси ноҳияи Шаҳритус, мушкили андозбандию андозғундории ҳозираи ноҳияро сабаби асосии чандин моҳ боз пардохт нагаштани музди маоши омӯзгорон мегӯяд.

Раиси ноҳияи Шаҳритус зимни нишасти матбуотиаш ба суоли хабарнигорон дар бобати аз моҳи феврал инҷониб пардохт нагаштани ҳақмузди омӯзгорон изҳор дошт, ки “маоши муаллимонро то моҳи июн ҳисобӣ кардем ва рухсатипулии 5-6 нафарро низ пардохт намудем.” Ӯ мавҷуд будани мушкилотро дар ин бахш таъйид карда, афзуд, ки “мушкили корро баъзеашро гуфта наметавонам, вале асосан фактори одамӣ аст ва кори сусти мо низ ҳаст.”

Сафаров афзуд, ки “мо 1 миллиону 600 ҳазор сомонӣ фақат иҷроиши андоз дорем. Аз рӯйи имкониятҳои мо иҷроиши ин нақшаи андоз беҳад мушкил аст. Ҳангоме андоз иҷро намешавад, маош низ намешавад. Мо наметавонем гӯем, ки ин андозбандӣ нодуруст аст, аммо қувватамон намерасад. Аз 10 намуди андоз 6 намудаш иҷро нашуд. Баъзе намудҳои андозе ҳастанд, ки иҷроишашон тамоман имкон надорад. Мисол, андоз аз арзиши иловашуда ва андоз аз фоида. Мо корхонаи калон қариб ки надорем. Хоҷагии обамон 1 миллиону 370 ҳазор сомонӣ аз андоз қарздор аст, аммо мо наметавонем амволашро ҳабс кунем ва андозро бигирем, чун об зарур аст ва онҳо моликияти калон надоранд, ба ҷуз идораашон.”

Дар ҳамин росто, раёсати андози вилояти Хатлон хабар медиҳад, ки ноҳияи Шаҳритус миёни 25 шаҳру ноҳияи вилоят ягона ноҳияест, ки нақшаи андозашро аз аввали сол комил адо нанамуда, онро ба 86 дарсад расонидаасту бас.

Мӯҳр

Хабарҳои монанд:

бозоршин

рахмати Худо ба шумо Ч САфаров шумо мардумро дарк кардед офарин мо фоида намекунем мохое мешавад лекин андозро мурда мурда нони дахони фарзандонро канда месупорем ана акнун хамун коркунони андозро ба дуконхои мо оварда як моху ду мох шинондан даркор то фахманд ки аз сахар то бегох на хона мегуему на зану фарзанд дар бозорем намехурему намепушем рузамонро гузаронем ба кадри кори бозор расанду аз хаво гап назананду фишор ба мои мазлум наоранд хол он ки уно аз хисоби буча зиндаги доранд як руз дар бозор шинанд ру ба гурез мезананд

Ҷавоб диҳед Иқтибос Шикоят

Хайрхох

Эй раиси худобехабар! Магар шарм намедори, ки руирост дуруг мегуи? Аз аввали сол инчониб дар катори омузгорон дар нохияи зеридораат ба кормандони тибб низ маош пардохт карда намешавад. Аммо кормандони дастгохи Хукумати нохия саривакт маош ва хатто мукофотпули низ мегирифтанд. Мардумро ба чонаш расонида боз шарм надошта кори сусти мо мегуи. Ту умуман кор намекуни ва он косалесони дар атрофат буда низ сиёсати пешгирифтаи туро пайгири мекунанд. Бехтараш ба истеъфо рафта мардумро аз чабр озод намо. Албатта гайрату шучоати мардиву инсоният барои ин кор басандаги намекунанд. Пустакро ба руй кашида метавони то ба вазифаи нав таъин гардиданат зулмро ба мардуми бечора раво дидан гири. Лекин дуои мардуми бечора мегирад. Худ ва фарзандонатро аз чазои Худованд ва мардуми бечораро аз чабри худ озод намо!

Ҷавоб диҳед Иқтибос Шикоят

Бегмат

Хайрият як нвфар гунохи хукуматро эътироф кард, ин эътирофи раиси як нохия не, балки эътирофи як намояндаи хукумат аз галат будани низоми андозбанди ва эътирофи зулми хукумат ба мардум аст. Тарафи дигар, холо мебинед, бо кариб шудани интихобот пул пайдо мешавад ва ба муаллихо пулро медиханд ва мегуянд бо сиёсати хирадмандонаи чаноби оли ба шумо пул додем вагарна пул нест ва акнун протоколхоро медонед ки ба фоидаи ки чамъбаст кунед. Баъд мебини ки муаллимхо пусти ночавонмардиро ба руй кашида, гур сузаду дег чушад гуфта, камархоро барои такаллуб дар интихобот махкам мебанданд.

Ҷавоб диҳед Иқтибос Шикоят

Эзоҳ илова кунед