17 июл 2013 17:36Тоҷикистон / Тема дня

Додгоҳ даъвои зиёиёнро алайҳи Тутубалина рад кард

Додгоҳи иқтисодии шаҳри Душанбе аризаи даъвогии зиёиёни тоҷикро алайҳи рӯзноманигор Олга Тутубалина ва ҳафтаномаи “Азия плюс” рад кардааст.

Шуҳрат Қудратов, вакили мудофеи Олга Тутубалина, имрӯз, 17-уми июл дар суҳбат бо хабаргузории “Озодагон” гуфт, Фаррух Хоҷаев, додраси додгоҳи иқтисодии Душанбе иддаои зиёиёнро, ба далели он, ки даъвояшон ба салоҳияти суди иқтисодӣ ворид намешавад, ба баррасӣ нагирифтааст.

Қаблан панҷ иттиҳодияи эҷодию илмӣ ва Дилбар Абдиева, номзади илмҳои тиб, дотсенти кафедраи бемориҳои венерологӣ аз болои рӯзноманигор Олга Тутубалина ва нашрияи “Азия Плюс” ба додгоҳи иқтисодии Душанбе муроҷиат карда, ҳабси амвол ва рӯёнидани 200 ҳазор сомониро талаб карда буданд.

Даъвогари асосӣ Иттифоқи нависандагон дар ҳамроҳӣ бо Академияи улуми Тоҷикистон, Иттифоқи рассомон, Иттифоқи оҳангсозон, Иттифоқи меъморон иддао доранд, ки Тутубалина дар матлабаш “Неинтеллигентно об интеллигенции” тамоми қишри ҷомеаро, ки ба фаъолияти эҷодию илмӣ машғуланд, таҳқир кардааст. Тутубалина дар матлабаш бозгашти шоири тоҷик Бозор Собирро аз Амрико ба Ватан баррасӣ карда, аз суханони Владимир Ленин, асосгузори давлати Шӯравӣ, ки гуфтааст, "Зиёиён на мағз, балки наҷосати миллатанд" кор бурдааст ва таъкид кардааст, ки ин суханонро метавон на танҳо нисбат ба Бозор Собир, балки нисбат ба бисёре аз зиёиёни дигар кор фармуд.

Мӯҳр

Хабарҳои монанд:

سعید

اینها "روشنفکر" هستند و این دعوا را به دادگاه اقتصادی برده اند؟!!!

Ҷавоб диҳед Иқтибос Шикоят

дарвеш

Ба кадом аклшон ин кадар чарима талаб менамоянд, дар холеки маоши хади акал 200 сомони аст. Фикр кардиян ин шахс 300 сол умр дораду ин кадар маблагро бармегардонад.

Ҷавоб диҳед Иқтибос Шикоят

Интелегент

Ана зиеихои мо, саводашон нарасид, ки даъвои онхо иктисоди нест, шахрванди аст. "худро шармандаю моро позор карданд". Нозиегии худро исбот карданд. Шармандаги

Ҷавоб диҳед Иқтибос Шикоят

Вахдат

Шукр!Адолати Ватан абад бод!

Ҷавоб диҳед Иқтибос Шикоят

Бахтиер

И зиеиен хаминкадар фахмиш доштан ки ба додгохи иктисоди супурдан. Олгачон ты права на счет.......

Ҷавоб диҳед Иқтибос Шикоят

Эзоҳ илова кунед