16 июл 2013 10:43Тоҷикистон / Иқтисодӣ

Барканории раиси "Шоҳмансур" ва ҳушдор ба тоҷирони "саркаш"

Маҳмадсаид Убайдуллоев, раиси шаҳри Душанбе, зимни ҷаласаи васеи шаҳрдорӣ, Ризоев Асомудин, раиси бозори “Шоҳмансур”-и пойтахтро аз вазифа озод карда, дастур додааст, тоҷироне, ки нарху муқаррароти мавҷударо риоя намекунанд, аз ҳаққи истифодаи нуқтаҳои савдо дар бозорҳои пойтахт маҳрум карда шаванд.

Раиси Душанбе дастур додааст, ки барои таъмини бозорҳо бо гӯшти хушсифат ба соҳибкорон қарзи бефоиз аз буҷети шаҳр ҷудо гардад, ва назорат шавад, ки дар тамоми бозорҳои пойтахт 12 намуди маҳсулоти аввалиндараҷа, аз қабили гӯшти хушсифати гов, гӯсфанд, мурғ, орди навъи якум, равғани растанӣ, биринҷ, шакар, шир, картошка,сабзӣ, пиёз ва тухм пайваста таъмин бошанд.

Инчунин Маҳмадсаид Убайдуллоев аз риоя нашудани қарорҳои раиси ва маҷлиси вакилони шаҳрӣ интиқод намуда, аз ҷумла таъкид намудааст, ки баъди тағйири номи кӯчаҳо аз ҷониби раисони ноҳияҳо ва сохторҳои ноҳиявӣ овезаҳои суроғавии кӯчаҳо саривақт иваз намешаванд, ки метавонад боиси нороҳатии шаҳрвандон гардад.

Дар ҷаласа инчунин масъалаи вазъи санитарию экологӣ, нигаҳдории фонди манзил ва ҳолати таҳхонаҳо дар биноҳои бисёрквартирадори баландошёна аз ҷониби соҳибмулкон мавриди баррасӣ қарор гирифтаанд. Дар ин зимн Муассисаи давлатии “Телевизони пойтахт” вазифдор гаштааст, ки бо таҳлилу пайгирии масъалаҳои зикргашта, баҳри баланд бардоштани фарҳанги шаҳрнишинӣ ва масъулияти амволдории сокинон аз ҳолати воқеии таҳхонаву даромадгоҳҳои истифодаи умуми биноҳои бисёрквартирадори баландошёна дар таносуби чор ноҳияҳои шаҳр гузоришҳо омодаву пахш намояд.

Мӯҳр

Хабарҳои монанд:

бАНДАИ АЛЛОХ

Ассалому аллайкум. Ин як карори носанчиде бароварданд ки боиси чабри савдогарон гардидааст. бубинед, и картошкаро дар карор омадааст ки 1.50с ба фуруш бароранд ки нархи картошка дар бозорхои яклухтфуруши аз 1.50 то 1.70 дирам аст ва 1.50 ин картошкаи сифаташ хеле паст аст . аз рузе ки ин фармон баромад нархи картошка дар бохор боло рафт. инчунин пиёз бошад дар бозори яклухтфуруши аз 0.65 дирам то 0.75 дирам мебошад ва дар карор омадааст, ки пиёз 09.65 фурухта шавад, дар холе ки пиёзро .65 -0ю75 дирам мехаранд ва рокирои онро низ медихан ва нархаш боз баландтар мегардад ва онхо чи тавр онро дар бозор боз 0.65 ба фуруш мебароранд. оё фикри онро ин раисони мо намекунанд, ки ин савдогарони камбагал зану фарзанд доран , онхо аз камбагали\яшон ба ин корхо машгул мешаванд ва ин карорре,ки бароварда шудааст бояд, ки онхо аввал пурра нарху наворо авал аз дехкон баъд аз бозорхои яклухтфуруши ва пасон аз бозорхову дуконхои чакана фуруши муйян мекарданду карор кабул мекарданд. Ин як карори бисёр чабркунанда дар сари савдогарони камбагал мебошанд. нархи тухм бошад пеш кабули карори раиси шахр 0.54 дирам буд баъд аз абули карор нархи яклухти тухь бошад 0.70 дирамро ташкил мекунад. Аз ин маълум мегардад, и сардору сарварони мо асли корро насанчидаву аник накарда карор кабул мекунанд, ки ин аз дилсузиву дар фикри халк будани онхо дарак намедихад , балки боло халк чабр карда истодаанд ва боки агар худи шумо аклу дониш дошта бошед инро баромад тафтиш кунеду хулоса бароред. Дар охир гуфтаниям ки Худованд харчи зудтар ин хел раисонро аз сари мо дур кунаду сардору сарварони ХУДОБОХАБАРУ дилсузи халку миллатро сари кудрат биёрад. ОМИН, ОМИН, ОМИН.

Ҷавоб диҳед Иқтибос Шикоят

санчар

Дируз дар бозори Шохмансур биринч харидори намудем.Нархи он 6 сомони нишон дода шудааст.Аммо дар асл бошад савдогарон бо нархи 8-9 сомни фурухта истодаанд.Вакте,ки савол ба миён омад-"Чаро нархи дар нархнома 6 сомони нишон дода шудааст,дар асл бошад бо нархи баландтар мефуруршед?",дар чавоб савдогарон аз мо пусиданд-Шумо мусулмон хастед?Агар моро фахмидан хохед,пас ба шумо мегуем,ки мо биринчро худамон бо нархи 7 сомони харидори намудем.Чи гуфтанамонро надонистем,ва бо нархи гуфтагиашон харидори намудем.Аз ин лихоз рохбарони мухтарам ин карорхои шумо дар асл кор накарда истодаанд.Ва ин баръакс норозигии халкро зиёд менамояд.Мо мефахмем,ки Шумо ба манфиати халк ин карорхоро баровардед,аммо агар ин карорхо дар асл кор накунанд,пас фоида аз онхо чист?

Ҷавоб диҳед Иқтибос Шикоят

точик

ман ба гуфьахои шумо рози , хакикатаон нархои нишон додагт бо оечи ки савдо мешавад мувофикат намекунад, нархоро бо ин тарз паст намешаванд

Ҷавоб диҳед Иқтибос Шикоят

Эзоҳ илова кунед