12 июл 2013 11:48Оcиёи Марказӣ / Қазоқистон
Назарбоев қудратро ба дасти писараш месупорад?
Роҳат Алиев, раҳбари ҳаракати мухолифи “Алянс” ва собиқ домоди раисиҷумҳури Қазоқистон зимни суҳбат бо торанамои “ca-news” дар мавриди шахси ивазкунандаи Нурсултон Назарбоев ҳарф зада, гуфтааст, Назарбоев мехоҳад, курсии президентиро ба писари якумаш, ки аз ҳамсари сеюми ӯ мебошад, ба мерос гузорад.
Ба гуфтаи Алиев, раисиҷумҳури Қазоқистон дар мавриди нигоҳ доштани курсии президентӣ то мувофиқ гардидани синну соли писараш ба ду нафар эътимод дорад: “Назарбоев барои нигаҳдории курсии президентӣ ба ду нафар, Дарига Назарбоева духтари бузургаш ва ҷиянаш Нуртай Абукаев, раиси Кумитаи амнияти миллии Қазоқистон эътимод дорад. Аммо аз ин дар ташвиш мебошад, ки минбаъд ин афрод курсиро ба писараш хоҳанд дод ё, не.”
Раҳбари мухолифи қазоқ мегӯяд, барои Қазоқистон на мардуми ин кишвар, балки Шӯрои хонаводагии Назарбоев раисҷумҳур интихоб мекунанд: “Ин шӯро иборат аз худи Назарбоев, ҳамсари сеюмаш Асел, духтаронаш Дариға, Динора ва Алия, ҷиянҳои ӯ Нуртой Абукаев, Кайрат Назарбоев, Аҳмадҷон Есимов ва Сотиболдӣ Назарбоев, аз шахсиятҳои наздикаш, Тимур Қулибоев, соҳибкори машҳури қазоқ ва Умбетов мебошанд.”
Собиқ домоди раисиҷумҳури Қазоқистон дар посух ба суоли рӯзноманигор, ки агар Назарбоевро ба инобат нагирем, ин Шӯроро кӣ раҳбарӣ мекунад, афзудааст: “Назарбоев дар мавриди таъини кадрҳо худ тасмим мегирад ва одатан ингуна мавридҳо замони истироҳат сурат мегиранд. Вале то ин вақт ӯ бо ду ё се нафар, ки ба онҳо эътимод дораду ба гуфтаҳояшон гӯш медиҳад, маслиҳат мекунад. Қаблан ин афрод иборат аз Абукаев, Дариға, ман ва Қулибоев буд.”
Ин дар ҳолест, ки қаблан низ Нурсултон Назарбоев дар посух ба суоли хабарнигоре - Оё Шуморо канорагирӣ аз қудрат нигарон мекунад, чунин гуфта буд: “Ҳар як сиёсатшинос ва президент, бахусус барои нафаре, ки солҳои тӯлонӣ ҳукумат меронад, ба ин бояд фикр кунад. Ҳар сиёсатшинос ва президент фикр мекунад, ки корҳояш идома ёфта, барҳадар нараванд. Намунаҳо дар ин маврид хеле зиёданд ва онҳо мавриди баррасӣ мебошанд. Аз ҳама ҳолати вазнин ҳолати тағйир мебошад. Ва доимо дар фикр ҳастӣ, ки он чӣ гуна мешавад”. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
