09 июл 2013 13:35Тоҷикистон / Сиёсат

Қосимов: 36 мансабдори нафақахӯр ҷойро холӣ накардаанд

Грез Қосимов, сардори Раёсати хизмати давлатии Тоҷикистон, мегӯяд, 36 мансабдори давлатӣ, ки ба синни ниҳоии нафақа расидаанд, айни ҳол бар хилофи қонун дар ниҳодҳои давлатӣ фаъолият доранд.

Номбурда, ки имрӯз 9-уми июл дар нишасти матбуотии раёсати мазкур ширкат дошт, иброз намуд, ки дар назар аст, то охири сол 240 нафари дигар аз ҳисоби хизматчиёни давлатӣ ба нафақа бароянд.

Синни ба нафақа баромадани хизматчиёни давлатӣ барои занҳо 58 ва мардҳо 63 сол муайян шудааст. Дар нимсолаи аввали соли равон 57 нафар хизматчии давлатӣ, ки ба синни нафақа расидаанд, аз вазифа озод карда шудаанд ва дар ҳаҷми музди меҳнати 3 моҳа кӯмакпулии яквақта гирифтаанд.

Ба қавли Грез Қосимов дар Тоҷикистон ҳамагӣ 18 ҳазор хизматчии давлатӣ мебошад, ки маоши миёнаи онҳо 823 сомониро ташкил медиҳад.
Имсол тибқи хулосаи комиссияҳои атестатсионии Раёсати хизмати давлатӣ 1807 нафар ба мансаби ишғолнамуда мувофиқ баҳогузорӣ карда шуданд ва 117 нафар хизматчиёни давлатӣ номувофиқ арзёбӣ шудаанд.

Мӯҳр

Хабарҳои монанд:

ДОНО

Ин мардак тамоман Раёсати хизмати давлатиро ба ботлоки махалгарои табдил додааст.
Шарофзода Ректори донишкада бошад аз ин бадтар сад хайфи хизматхои Саидов, Давлатов ва Иноятова

Ҷавоб диҳед Иқтибос Шикоят

Миршароб

ДОНО,
Донои азиз, шояд Шумо дар ин бора маълумоти муфассал надоред. Зеро банда магистранти шуъбаи гоибонаи Донишкадаи такмили ихтисоси хизматчиёни давлати хастам ва ба ботлоки махалгарои табдил додани муассисахои мазкурро аз чониби ин ду нафар то имруз надидаам. Он чо аз хар манотики чумхури кору фаъолият мекунанд. Он чо нафароне ба мо дарс меомузанд, ки гурури милли доранду ба ояндаи дурахшони мамлакат бо назари нек менигаранд. Инро ман дар мисоли Грез Косимов ва хам Гавхар Шарофзода бо боварии том гуфта метавонам ва Худо шохид аст, то хол ба мо аз фанни "махалбози ё магалбози" ягон нафари омузгорон дарс нагуфтаанд.

Ҷавоб диҳед Иқтибос Шикоят

Эзоҳ илова кунед