25 июн 2013 09:54Тоҷикистон / Тема дня

5 ҳазору 600 “LIKE”-и ҳиҷоби Манижаи Давлат

Як акси бо ҳиҷоби Манижаи Давлат, овозхони маҳбуби Тоҷикистон, дар гуруҳи Afghan Unity ё Иттиҳоди афғонӣ дар Фейсбук боиси баҳсҳои зиёде шудааст.

Ин акси Манижаро бештар аз панҷуним ҳазор нафар писандида, 307 нафар онро дар саҳифаҳои худ гузоштаанд ва бештар аз 363 нафари дигар дар поёни он шарҳ навиштаанд.

Дар ин акс Манижаи Давлат бо ҳиҷоб тасвир ёфта ва дар даст китоби Қуръон дорад. Иттиҳоди афғонӣ низ дар болои ин акс навишта, ки “Манижаи Давлати ҳидоятшуда...” Вале масъулони саҳифа манзур аз ин ҷумлаашонро шарҳ надодаанд.

Вале аксари шарҳнависон гуфтаанд, аз чунин навъи либоспӯшӣ ва сурати Манижаи Давлат ифтихор мекунанд ва ин бояд барои духтарони дигар панд шавад. Муҳаммад Аҳмадӣ, яке аз ин шарҳнависон гуфтааст, “дӯстат дорам, Худо ҳамеша қалбатро пур аз раҳматаш кунад.” Абдулҳамид ҳам навиштааст, “касеро ки Худованд ҳидоят кунад, ҳеч қудрате барои гумроҳии ӯ вуҷуд надорад.”

Манижаи Давлат тақрибан 13 соли пеш рӯи саҳнаи ҳунар омад ва дар муддати кӯтоҳе миёни форсизабонҳо маҳбубияти хос пайдо намуд. Консерти аввалини ӯ соли 2002 дар Кохи Борбади шаҳри Душанбе баргузор шуда, соли 2006 ӯ барои анҷоми як консерт ба Афғонистон рафт.

Аммо пас аз ин сафари Афғонистон Манижаи Давлат дигар рӯи саҳна наомад ва овозхонӣ накард. Аммо соли гузашта шакли хоми як таронаи ӯ бо номи “Осмон боронист”, ки шеъри Ҳоруни Роун аст, дастраси корбарони Интернет шуд. Бо ин ҳама, Манижаи Давлат шарҳ надода, ки чаро ва чигуна аз саҳна канор рафт ва оё бозгашти ӯ ба саҳнаи ҳунар имконпазир аст, ё на.

Мӯҳр

Хабарҳои монанд:

Hayron

Агар хами Манижа овозхони намекард, кай хозир Афгону дигару дигар ба хичобпушиш кор медоштанд?

Ҷавоб диҳед Иқтибос Шикоят

Damir

Aknun Manizha hijob pushid magar musulmon shud ? Ojo har yak hijobbasar musulmon ast , poktinat ast , neksirisht ast ? na va sad bor na ! Man hajroni hamin musulmonigarii barheyam. Hijob ba sar kun , rish monu salla ba sar kun digar hama kor baroi tu mumkin, charogaki sabz dar Tojikiston, ba ruyat medurahshad! Ajab dindorie !

Ҷавоб диҳед Иқтибос Шикоят

saif

In aks kadom shabohate bo Manija nadorad...........

Ҷавоб диҳед Иқтибос Шикоят

ahliddin tjk

salom dustonu hamvatanon meguynd ki ba hudo dodagon dast mazan ki onhoro hudo doda ast apai manija yki az hofizahoi boaklu bo odob meboshad ki ba in rohi hak hidoyt eftaast va agar hudovan shahsero dust dorad hatman hidoytash hoham kard va az digar duhtarhoi tjk hohish mekunam hob darg karda ibrat girand.

Ҷавоб диҳед Иқтибос Шикоят

Rustam Rustamov

Орзуи доимии мо хамин аст,ки духтари точик зани точик модари точик хамавакт дартан хамин хел либос дошта бошанд.
Дар асл ин либоси миллии точикист.

Ҷавоб диҳед Иқтибос Шикоят

лутфия

Аслан барои чи хичоб мепушанд!барои диккати дигарон ба худ чалб кунанд.фикри шахсан аз ман хамин аст.ва ё баръакс мехоханд худро дастнорас эълон кунанд.аз ду якест.

Ҷавоб диҳед Иқтибос Шикоят

МАДИНА

салом ба хама мардуми точик,хай агар Апаи Манижабону хостаст хичоб. ба бар кардааст мо тарафдори хамин хастем ки хамаи саньаткорои точик хаминхел Худо тарс шаванд хамаи гулдухтарони точик низ хамчунон хичоб пуш шаванд чунки хичобро Аллох ба занхои мусалмон фарз гардондааст,боки дар амони Аллох

Ҷавоб диҳед Иқтибос Шикоят

Эзоҳ илова кунед