24 июн 2013 10:19Оcиёи Марказӣ / Узбакистон

Каримов мардикории узбакҳоро дар Русия шармандагӣ донист

Ислом Каримов, раисиҷумҳури Узбакистон, муҳоҷирони кории кишварашро “танбалхӯҷаҳо” номидааст.

Ба иттилои расонаҳои узбакӣ, Ислом Каримов зимни дидори худ аз вилояти Ҷиззахи Узбакистон гуфтааст, аз ин кишвар ба муҳоҷирати корӣ танҳо танбалхӯҷаҳо мераванд.

Ба гуфтаи Каримов ҳар шаҳрванди узбаке, ки барои дарёфти бурдаи ноне ба Русия меравад, шаъну шарафи миллаташро паст зада, аз ноуҳдабароии худ дарак медиҳад: “Нисбат ба ин қабил ашхос, ки дар шаҳру навоҳии Русия фаррошӣ мекунанд, дар дили инсон як танаффуре пайдо мешавад. Зеро онҳо бо ин амалашон ҳамаи моро шарманда мекунанд. Дар Узбакистон то ҳол касе аз гуруснагӣ ҷон надодааст.”

Раисиҷумҳури Узбакистон миллати узбакро нисбат ба дигар миллатҳо фарқкунанда хонда гуфтааст: “Имрӯз дар Узбакистон рӯбарӯ шудан бо гадо ё нафари талбанда бисёр мушкил мебошад. Зеро ингуна афрод аслан вуҷуд надорад.”

Хадамоти федеролии муҳоҷирати Русия мегӯяд, ҳоло беш аз 2 миллион шаҳрванди Узбакистон дар ин кишвар машғул ба кор буда, танҳо дар соли 2012 ба ватани худ беш аз 6 миллиард доллар фиристодаанд.

Мӯҳр

Хабарҳои монанд:

Фируз

аз 30 миллион ахоли 2 миллионаш рафта бошад он кадар вохима нест. Ин тахминан 6.6 % мебошад. Точикистон 8 миллион ахоли дорад 1.5 миллионаш дар Русия аст. Ин тахминан 18.7 %.

Ҷавоб диҳед Иқтибос Шикоят

Шахбоз

Аз 30 млн 50% зиёд точик мебошад. Дар андиджон точиконро М.Худоебердиев ба фармони Каримов ба катл расонид зеро онхо аз Каримов безор шуда буданд. Чаро точикони Самарканд худро на узбаку на точик балки худро Самарканди мегуянд? Агар точик гуянд ба катл мерасанд аз узбак гуфтан шарм медоранд.

Ҷавоб диҳед Иқтибос Шикоят

Эзоҳ илова кунед