20 июн 2013 09:04Тоҷикистон / Дидгоҳи хос
Даъват аз ҳукумат ва мухолифин: Ҷавонон ҳаққи бештар доранд!
Бо иҷозаи Шумо, ин бор аз боби ҷавонон сухан мекунем.
Ҷавонтарин кадри ҳукумат аз доираи руасову вузаро (раисону вазирон) - раиси Кумитаи сармоягузорӣ ва амволи давлатии кишвар Давлаталӣ Саидов аст, ки 44 сол дорад. Ҷавонтарин?!
Наздики ду миллион шаҳрванди Тоҷикистон ба Русия барои кор (баъзан ҳатто ғуломӣ) рафтаанд. Аксариятро ҷавонон ташкил медиҳанд. Ҳар сол то 800, баъзан аз ин ҳам зиёдтар тобути ҳамватанони моро аз Русия ба Ватан мефиристанд, ки қисми зиёди онҳо низ ҷавононанд.
Яке аз нишонаҳои қавӣ будани давлатро аз шароити хуби артиши он муайян мекунанд. Барои ман кишвари Швейтсарияро мисол наоред. Он кишвари истисноист. Барои чӣ истиноӣ? Чунки он кишвар дар зери ҳимояи байналмилалӣ қарор дорад ва ниёзе барои таъсиси артиш ҳам надорад. Ҷавонони мо мегурезанд ва пул медиҳанд, ки ба аскарӣ нараванд.
Чаро? Зеро шароити артиши мо нигаронкунанда аст.
Ҷавонони шаҳрӣ дар кишвари мо то андозае як зиндагии беҳтар доранд. Яъне, шароит дар шаҳр хубтар аст. Ҷавонони деҳот бошанд, бадбахтанд. Ҳарчанд онҷо беҳтарин ҷавонон зиндагӣ мекунанд, аммо нерӯи ҷисмонӣ ва ақлонии онҳо барои корҳои созанда равона карда нашудааст. Ҷавониро надида зуд пир мешаванд, мутаассифона.
Имрӯз ҷавонон аз хондан дилсард шудаанд. Ҷавонони сазовори мо хуб мебинанд, ки имрӯз аҳли зиёи мо дар чӣ вазъ қарор доранд. Ба ҳолашон гиряи одам меояд.
Ҳарчанд гуфтаниҳо зиёданд, аммо вақти зиёди Шуморо барои хондани матлаби худ гирифтан намехоҳам. Беҳтараш ягон китоб хонед, китобҳои беҳтаринро, нависандаҳои маъруфро. Ҳақорат накунед, хонед. Худо хоҳад, рӯзҳои хуш дар пешанд.
Ҳоло мо чунин як имконе надорем, ки ҳамаи ҷавонони кишварро бо кор таъмин кунем. Аммо ҷавонони эҷодкор, варзишгар, олим, донишманд, арзандаи беҳтарин шароит ҳастанд. Онҳоро бояд дастгирӣ кунем. На танҳо давлат, балки мухолифини ҳукумат низ ва сарпарастони берун аз сиёсат ҳам бояд ба онҳо шароитҳо фароҳам биоваранд. Ҳадди ақал як зиндагие мисли зиндагии фарзандони Шумо – ҳукуматиён бояд дошта бошанд онҳо! Онҳо метавонанд моро такон диҳанд, ба пешрафт баранд ва хуб муаррифӣ кунанд.
Халил ҚАЮМЗОД Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
