17 июн 2013 14:00Тоҷикистон / Дидгоҳи хос
Who is Mr. Низомхон Ҷӯраев?
Ӯ силоҳи асосии сохторҳои қудратӣ, бахусус Оҷонсии мубориза бо коррупсия, барои ҳақталошӣ шудааст. Аслан ин як раванди пешгӯишаванда буд ва ҷое барои тааҷҷуб ҳам надорад.
Тааҷҷубам аз дигар чиз аст. Аз шахсияти худи Низомхон Ҷӯраев, собиқ вакил ва яке аз афроди дорои вилояти Суғд. Дар бораи Ҷӯраев таи чанд соли охир танҳо нафари ноогоҳ сухане нагуфтааст. Ӯро бо бисёр ҷурмҳо гунаҳкор кардаанд, ҷурмҳои вазнин.
Дар рӯзи додгоҳи ӯ на камтар аз сӣ айбдоршаванда ширкат варзида буданд. Ҳамаи ин сӣ нафар аз тарафи додгоҳ муҷозот шуданд ва роҳбари он гурӯҳи синафарӣ “қаҳрамон”-и мо Низомхон Ҷӯраев буд.
Аммо дар он додгоҳ худи Низомхон Ҷӯраев ширкат надошт. Ӯро дар Русия боздошт карда буданд. Дар бораи чӣ тавр овардани ӯ ба Тоҷикистон наменависам, зиёд навиштаанд.
Ман ба таври пурра аз ҷараёни “парвандаи исфарагиҳо” низ хабар надорам, ҳама ҷузъиёташро намедонам. Аммо дар расонаҳо аз ин бобат зиёд гуфта шуда буд ва оз онҳо ман огоҳӣ дорам. Маро он чиз ба ҳайрат ва ё ба ғазаб овард, ки нисбат ба сӣ нафар кормандони Низомхон Ҷӯраев айбномаҳои вазнин эълон шуд. Ҳатто худи собиқ додситони кулл Бобоҷон Бобохонов он ҳукмро вазнин гуфта буд. Сӣ нафар барои як нафар ба маҳбас кашида шуданд.
Ҳоло маълум нест, ки Ҷӯраев чӣ ҳол дошта бошад? Ӯ, гунаҳкори асосӣ дар ҷиноятҳои вазнин, дар озодӣ сайругашт дорад. Ба он нигоҳ накарда, ки ҳоло ҷиноятҳои ӯро касе бозпас нагирифтааст. Аз дасти ӯ чандин оилаҳо хароб шуданд ва дар маҳбасҳо мешинанд.
Ба ин ӯ чӣ тавр посух мегуфта бошад? Бо кадом виҷдон ӯ боз бар зидди Зайд Саидов шаҳодат доданист? Барои ҷурме, ки исбот ҳам нашудааст ва барои он Зайдро метавонанд ба мӯҳлати тӯлонӣ зиндонӣ кунанд.
Чӣ гуна як нафар инсон метавонад то ба ин дараҷа ба пастигарӣ ва ҳаромбозӣ даст занад, барои озодии худашро ҳифз кардан? Фардо чӣ тавр ба рӯи оилаҳову наздикони нафарони аз дасти ӯ ҷабрдида нигоҳ мекарда бошад?
Низомхон Ҷӯраев! Виҷдони олудашударо дар ягон ҷой тоза кардан наметавон, на бо ягон дору ва на бо ягон оби пок.
Ман истисно намешуморам, ки ӯро барои додани чунин шоҳидӣ маҷбур кардаанд. Аммо ин ҳам наметавонад рӯи сиёҳи ӯро сафед кунад.
Бисёр нафароне, ки барои Низомхон ба маҳбас афтидаанд, бар зидди ӯ шоҳидӣ надоданд, ҳамаи таъхиру дашному латту кӯбро тоқат намуданд.
Ман инро пастигарӣ мешуморам. Ба қавли Михаил Мамич, “аблаҳиро фаҳмидан мушкил, аммо бахшидан мумкин”. Аммо пастигариро фаҳмидан мумкин, аммо бахшидан аблаҳист.
Даруни сарам суоле чарх мезанад: who is ҷаноби Ҷӯраев? Ва чӣ тавр Шумо аз ин пас зиндагӣ мекунед, “сэр”?
Алӣ МАСТОВ Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
