15 июн 2013 12:56Тоҷикистон / Сиёсат

Президент ба кадрҳои нав гуфт, содиқона хизмат кунанд

Эмомалӣ Раҳмон, раисиҷумҳури Тоҷикистон, рӯзи 15-уми июн бо кадрҳое, ки ба вазифаи роҳбарӣ дар муассисаҳои таҳсилоти олӣ, соҳаи кишоварзӣ ва мақомоти корҳои дохиливу кумитаи давлатии амнияти миллӣ пешниҳод шудаанд, суҳбат кардааст.

Торнамои президенти Тоҷикистон навиштааст, сардорони шӯъбаҳои корҳои дохилии ноҳияҳои Ишкошим, Мурғоб, Нуробод, шӯъбаи корҳои дохилӣ дар нақлиёти вилояти Хатлон ва сардори қӯшунҳои сарҳадии Кумитаи давлатии амнияти миллии Тоҷикистон дар вилояти Хатлон иваз шудаанд.

«Бо қарорҳои ҳукумати кишвар ҳамчунин Маҳмадқул Каримов, ректори Донишгоҳи давлатии Данғара, Саидамир Ҷононов, ректори Донишкадаи омӯзгории Тоҷикистон дар ноҳияи Рашт, Ҷамшед Ғаниев, ректори Донишкадаи давлатии санъати тасвирӣ ва дизайни Тоҷикистон ва Ғоиб Давлатов, директори муассисаи давлатии “Маркази идоракунии лоиҳаи “Рушди деҳот” таъин гардиданд»,-навиштааст манбаъ.

Эмомалӣ Раҳмон зимни суҳбат онҳоро ба хизмати софдилонаю содиқона ба нафъи халқу Ватан, давлату миллат ва бо ҳисси баланди масъулиятшиносӣ адо намудани қарзи муқаддаси ватандорию давлатдорӣ ҳидоят намудааст.

«Ҳамчунин таъкид гардид, ки ба тарбияи кадрҳои ҷавон дар муассисаҳои олии таълимии кишвар, баланд бардоштани сифату таълими тарбия, омода намудани кадрҳои баландихтисоси дорои диду тафаккури муосир ва ҷорӣ намудани технологияҳои ҳозиразамони таълимӣ таваҷҷуҳи ҷиддӣ зоҳир карда шавад»,-меафзояд сарчашмаи хабар.

Мӯҳр

Хабарҳои монанд:

шогирд

Бо самими калб Шуморо ба ин вазифа _Ректори Донишгохи давлатии Дангара таъйин гардиданатон табрику муборакбод менамоем, устод М.Б.Каримов

Бо самими калб Шуморо дубора ба ин вазифа _Ректори Донишкадаи омузгории Рашт таъйин гардиданатон табрику муборакбод менамоем, устоди азиз Чононов С.

Ҷавоб диҳед Иқтибос Шикоят

патриот

Аз чойивазкунии зарбшавандахо хосили зарб иваз намешавад! Инашро гирифта ба вазифаи дигараш мемонанд, вале мушкилоти мардум зиёд мешаваду кам не.

Ҷавоб диҳед Иқтибос Шикоят

Эзоҳ илова кунед