14 июн 2013 12:59Тоҷикистон / Иқтисодӣ / Видео

Видео: IRS роҳи вайроншудаи Душанбе-Чаноқро "дарбеҳ” мекунад

Ширкати Иноватив Роуд Солюшнз (IRS) ба таъмиру тармими қисмате аз роҳҳои вайроншудаи Душанбе-Чаноқ, ки маркази Тоҷикистонро бо шимоли кишвар мепайвандад, оғоз кардааст. Ин роҳ се сол боз дар ихтиёри IRS қарор дорад ва ин ширкат бо гузоштани шаш тарозу аз ронандагон вобаста ба тӯл ё дарозии роҳҳо пул меситонад.

Бунёди ин роҳ бо сармояи Чин ва тавассути коргарони чинӣ се сол пеш анҷом шуда, тоза (нав) аз сӯи IRS мавриди таъмир қарор мегирад. Ин ширкат дар торнамои худ навишта, ки ба далели шурӯи таъмири роҳҳо маҳдудият дар ҳаракати мошинҳо пеш омада ва ин маҳдудият то 1-уми июли соли ҷорӣ идома хоҳад кард. “Аз соати 08:00 то 11:00 ва аз соати 12:00 то 16:00 ҳаракати мошинҳо дар километри 138-ум то 160-ум манъ карда мешавад”,-таъкид шудааст дар торнамои IRS.

Ҳамкори “Озодагон” дар Хуҷанд низ ҳангоми сафараш ба ноҳияи Айнӣ бархе аз қисматҳои рощи Душанбе-Чаноқро наворбардорӣ кардааст, ки барои “дарбеҳкунӣ” омода шудаанд. Ва ҳоло ин навор:

Мӯҳр

Хабарҳои монанд:

Мирзо

Магар ин роххо кафолати 20 сола надоштанд? Чаро ширкати рохсоз таъмир намекунад? IRS ин кадари сум чам кард карзи Чин 50% пушонда мешуд то хол

Ҷавоб диҳед Иқтибос Шикоят

донишчу

Масъулини мухтарам, бисёр мехостам фахмам, ки тунели Анзобро махкам мекунанд ё не?

Ҷавоб диҳед Иқтибос Шикоят

Малик

Он дарбехе ки ин ширкат мекунад, нолу аз дах як фоизи даромади муфт аз хамени мардуми камбагали точик нест!
Аз руи шунидам рохбарони кулли он ки номашонро намегирем хар мох се миллион доллар аз ин рох чамъовари мекунанд.
Се миллион дуллор ба дахони ахмак осон аст. Боз дигар роххоро хам зери тассаруфи худ карор дода истодаанд.

Ҷавоб диҳед Иқтибос Шикоят

Умар

Ин зулм ба халки камбизоат аст,рох бояд бепул бошад,ин депутатхои таини ба ин ширкати хоричи ичозат доданд,афсус аз Худо битарсид

Ҷавоб диҳед Иқтибос Шикоят

Эзоҳ илова кунед