11 июн 2013 10:51Тоҷикистон / Иқтисодӣ

Сокинони Самарқандак роҳи Шӯроб-Ворухро бастаанд

Ҳудуди ду ҳазор сокини деҳаи Самарқандаки вилояти Бодканд (Қирғизистон) рӯзи даҳуми июн ба нишони эътироз аз он ки сокинони Тоҷикистон заминҳои баҳсноки наздимарзиро аз худ намудаанд, гирдиҳам омаданд.

Бино ба иттилои ҳукумати Бодканд, эътирозгарон аз он норизоӣ кардаанд, ки тоҷикон гӯиё дар заминҳои баҳсноки наздимарзӣ хона сохтава дарахт шинондаанд. Ба қавли манбаъ, дар посух ба ин амали тоҷикон эътирозгарон роҳи Шӯроб-Ворухро бастаанд.

Дар ҳамин ҳол, ба иттилои масъулини қирғиз аз тарафи Тоҷикистон низ ҳудуди 500 нафар ҷамъ шуда будаанд, вале кормандони пулис, ки саривақт ба ҷои ҳодиса ҳозир шуданд, аз даргирӣ ҷилавгирӣ намудаанд.

Инчунин, ба ҷои ҳодиса вакили парлумони қирғиз, Омурбек Текебаев ҳозир шуда, дар суҳбат бо гирдомадагон ваъда додааст, ки ҳамаи талаботашонро ба роҳбарияти кишварашон мерасонад.

Тоҷикистону Қирғизистон тӯли 970 километр марзи муштарак доранд, ки аз он 567 километраш аломатгузорӣ шудаасту халос. Ин номуайянӣ боис мегардад, ки миёни сокинони наздимарзӣ мунтазам даргириҳо сурат гиранд.

Вале ахиран раиси устони Суғд -- Қоҳир Расулзода аз маҳалҳои баҳсноки марзӣ боздид карда ва гуфт, як ваҷаб марзи кишварро ба бегонагон намедиҳанд. Аммо бархе аз соҳибназарон мегӯянд, агар баҳсҳои марзии Тоҷикистону Қирғизистон аз рӯи асноде, ки дар замони Шӯравӣ вуҷуд дошт, сурат бигирад, эҳтимол тоҷикон қисме аз заминҳояшонро аз даст бидиҳанд. Иддаое, ки мақомот дар ҳоли ҳозир рад мекунанд.

Мӯҳр

Хабарҳои монанд:

Умар аз Ходжаи АЪЛО

Озодагон барои чи хавои гап мезанед?Ки будааст,он сохибназарон?Шарм доред аз ин хел хавои гап заданатон!Баръакс 50 хазор гектар замини Точикистонро Киргизхо гасб карда соли 1989 харитае кашиданду хостанд аз худ кунанд,вале хушбахтона парламенти солхои 90-и Точикистон ба он имзо нагузоштааст!Аз руи харитахои солхои 1924,1936 бошад УМУМАН киргизхо дар ин махалхо зиндаги надоштанд!Дар ин 4 дехаи Точикистону,4 дехаи киргиз,ки бо хам мисли шахмат сархад аломатгузори нашудааст 100 хазор точик ва танхо 24 хазор киргиз зиндаги мекунад!Хатто як кишлокчае,ки ВОРУХРИ 32 хазор ахоли дорро гуиё анклав мекунад хануз соли 1980 сохта шуда хамаги 1500 ахоли дорад!!!!Ворух бошад таърихи хазор сола дорад ва чандин кофтуковхои археологи дар ончо нишонаи одамони пеш аз милодро хатто ёфтаанд!Тамоми куххову дарахое,ки холо киргизхо худсарона аз худ КАРДАНД.ХАМА БО Забони точики ном доранду,хатто як кулла ё як кух номи киргизи надорад!Хохиш мекардам ДИГАР САФСАТА нагуеду хакикатро нависед.Ва аз номи ким кадом сохибназарони киргизи инчо сафсата нахонед.Агар Хуччатхо лозим бошад биёед ба кумитаи замини ИСфара ин хама хуччатхо хастанд ва ман мислим шумо аз хаво гап намезанам!Ххиш меунам чоп кунед.а ба суоли ман чавоб дихед.

Ҷавоб диҳед Иқтибос Шикоят

Мухочир

Суханони пур мазмун канд занед акаи Умар сад дар сад ба суханони шумо розиам.

Ҷавоб диҳед Иқтибос Шикоят

Эзоҳ илова кунед