05 июн 2013 10:37Тоҷикистон / Дидгоҳи хос
Ғурури миллӣ аз ҳеч намерӯяд
Кор моро ба пешрафт мебарад. Кор моро аз ҳама бӯҳронҳо наҷот медиҳад. Кори мағзҳо, кори нерӯҳо.
Ва ҳақ бар ҷониби шоир Бозор Собир аст, ки мегӯяд мо идеали миллӣ надорем, то битавонем ба он пайравӣ кунем.
"Шоҳнома"? Бале, "Шоҳнома" шоҳнома аст, на тоҷикнома.
"Тоҷикон"-и Ғафуров. Беҳтарин аст, аммо дар он роҳи наҷот нишон дода нашуда аст.
Хайр, пас чӣ кунем? Ба шахсиятҳо рӯй оварем ё такя кунем? Бошад. Шахсият кист?
Исмоили Сомонӣ?
Рӯдакӣ?
Саъдии Шерозӣ?
Деваштич?
Спитамен?
Темурмалик?
Восеъ?
Аҳмадшоҳи Масъуд?
Онҳо кори худро карданд. Хуб ё бад, дигар гузашту рафт. Онҳо дигар моли таъриханд. Чанд рӯз пеш дар саҳифаи рухномаам (Фейсбук) аз дӯстон хоҳиш карда будам, ки ягон хотирае аз устоди варзиш, ҳунарманди тоҷик, Мӯсо Исоев дошта бошед, бинависед то барои филмбардорӣ истифода шавад. Касе вокуниши ҷиддие нишон надод. Ин ҷои таассуф надорад?
Имрӯз мисле, ки касеро ба касе коре нест. Ҳар кас бояд худаш ягон бало кунаду роҳи худашро биёбад.
Хуб, бошад. Аммо ба назар менамояд, ки мо тоҷикон миллати истисноием. Ҳар кадоми мо мехоҳем дар ҷои аввал бошем. Бигзор бародар набошад, бигзор ҳамсоя набошад, бигзор дӯст набошад, бигзор ман бошам, мегӯем ба худ. Ҳамин аст, ки касе намебарояд аз даруни мо. Ҳамин аст, ки касе намерӯяд.
Мо имрӯз бо дасти худ якдигарро пахш мекунем. Ба ҷои он ки дасти якдигарро бигирем. Миллат пас чӣ кор кунад охир? Ба кадом шахсиятҳо такя кунад?
Вақте кас таърихи шахсиятҳоро мехонад, бисёр нозукиҳоро барои худ кафш мекунад. Бовар кунед, ягон нафаре аз шахсиятҳои таърихсоз инсони нотакрор нест. Касе аз онҳо ба он бузургие нарасидаст, ки такрорнашаванда бошад. Ҳамаи онҳо инсонҳои оддӣ буданд, мисли ману шумо. Вале онҳо як хислате доштанд, ки онҳоро бузургтар аз мо кард. Ин хислат боварӣ ба худ ном дорад.
Боварӣ ба таърих не, боварӣ ба молу мулк не, бовари ба худ, ба нерӯи худ. Боварӣ ҳам бояд албатта аз ҷое қувва гирад. Аз оила, дӯстон, ҳамнишинон, мактабу донишгоҳ. Боварӣ худ аз худ намесабзад.
Мисол, бигирем шахсияти Аҳмадшоҳи Масъудро. Масъудро на падараш, на модараш, балки бибиаш калон кард. ӯро афсонаҳову асотирҳои бибиаш то ба ин бузургӣ расониданд.
Ҳатто як афсонанависи хуб ҳам набаромад дар ин солҳои охир, ки ба дили кӯдакони мо ғурури тоҷикиро бикорад. Барои чӣ имрӯз мардуми мо рӯй ба ҳиҷрат оварданд? Аз дасти мо, аз дасти ҳукумати мо, аз дасти ҳамсояи мо, аз дасти бародари мо.
Онҳоро чӣ бояд инҷо нигоҳ дорад. Кӯҳҳои осмонбӯс? Мардум имрӯз ба Кайҳон мебароянд, ки аз онҷо кӯҳ чун аз як нуқтае беш наменамояд. Онҳоро боварӣ ба он авҷ расонид. Иттиҳод ба он дараҷа расонид. Магар мешавад бе ягон замина, тани танҳо ба Кайҳон парид?
Ман чаро аз кайҳон ҳарф мезанам? Мо куҷову фикри кайҳон? Ба замин бояд фуруд омад. Аз одитарин шароит бояд гуфт. Аз барқе, ки ним сол моро тарк мекунад, аз оби ошомиданӣ, ки имрӯз ба қабати дуюми бино намебарояд…
Халил ҚАЮМЗОД
PS: Ин матлаб назари шахсии муаллиф аст Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Декабр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
