05 июн 2013 09:34Оcиёи Марказӣ / Тоҷикистон

Тошканд нагузошт, бори ширкатҳои эронӣ дар вақташ ба Душанбе расанд

Бори ширкатҳои эронӣ, ки қарор буд, рӯзи панҷуми июн дар намоишгоҳи ҳафтуми байналмилалии “ИНТЕРЛЕГПРОМ-2013” дар Душанбе муаррифӣ бишаванд, то ҳол ба Тоҷикистон нарасидаанд.

Асаналӣ Карамалиев, муовини раиси Палата (Утоқ)-и савдо ва саноати Точикистон, мегӯяд, ба ин далел ҳанӯз намоишгоҳ оғоз наёфта ва онҳо мунтазири бори ширкатҳои эрониянд. Ба қавли манбаи мо, ин борҳо дар марзи Узбакистон дармонда, интизор меравад бо як каме таъхир ба Душанбе бирасанд ва намоишгоҳ рӯзи шашуми июн оғоз ёбад.

Карамалиев гуфт, дар ин намоишгоҳ дар баробари ширкатҳои ватанӣ 50 ширкати эронӣ бо маҳсулоти гуногуни худ иштирок хоҳанд кард. Мусоҳиби мо афзуд, “ҳадаф аз ташкили ин ярмака рушд бахшидан ва мусоидат кардан ба саноати сабук дар кишвар аст. Яъне, бояд дар соҳаи хоҷагии халқ, хусусан, ба коркарди пахта, пашм ва пӯст аҳамият диҳем ва ин бахшро рушд бахшем.”

Ҳамзамон Асаналӣ Карамалиев аз иштироки ширкатҳои истеҳсолкунандаи молҳои сабук аз Чин, Лаҳистон (Полша), Туркия дар ин намоишгоҳ хабар дод.

Ин бори аввал нест, ки ба далели дар марзи Узбакистон дармондани моли ширкатҳои эронӣ чунин намоишгоҳ ба таъхир гузошта мешавад.

Мӯҳр

Хабарҳои монанд:

Собир

Лутфан мегуфтед, ки намоишгохи мазкур дар кучо баргузор мегардад?

Ҷавоб диҳед Иқтибос Шикоят

Ораз Пояндашоев

Позор! Два президента не могут найти общий язык, а простые и угнетённые, но трудолюбивые народы этих братских стран страдают! Такие методы в африканских странах даже не практикуются. Человек создан для того, чтобы решать проблемы своего народа, а не создать им проблемы...

Ҷавоб диҳед Иқтибос Шикоят

Чавоб

Чун хар вакта ё Кохи Борбад дар бало мондаги ё Кохи Вахдат .................

Ҷавоб диҳед Иқтибос Шикоят

Эзоҳ илова кунед