01 июн 2013 11:42Тоҷикистон / Иқтисодӣ

Пуштибонии Бонки миллӣ аз иқдоми ширкатҳои мобилӣ

Бонки миллии Тоҷикистон бо пахши як иттилоия иқдоми ширкатҳои мобилии кишварро, ки сар аз имрӯз, 1 июн, нархгузории хизматрасонии худро бо пули миллӣ анҷом хоҳанд дод, қобили дастгирӣ гуфт.

Ба иттилои Бонки миллӣ ин тасмими ширкатҳои мобилӣ ҷиҳати иҷрои талаботи қонунгузорӣ гирифта шудааст, ки қонунан дар қаламрави ҷумҳурӣ нишон додани тамоми нархномаҳо, тарифҳо ва воҳидҳо бо асъори хориҷӣ ё воҳидҳои шартӣ қатъиян мамнуъ буда, бояд танҳо бо сомонӣ ифода ёбанд:

“Ин қадам яке аз чораҳои навбатие мебошад, ки дар маҷмуъ барои таъмин намудани мақоми истисноии пули миллӣ дар ҷомеъа равона шудааст. Алҳол пас аз гузариши пурра ба истифодаи пули миллӣ дар низоми мактабҳои олӣ ва таҳсилоти умумӣ, чорабиниҳои ба иҷрои Ҳаҷ алоқаманд татбиқи иқдоми мазкур тадриҷан дар соҳаҳои дигари иқтисодиёт ба инобат гирифта шудааст.”

Бонки миллӣ мегӯяд, ин иқдом аз як тараф ба фоидаи муштариёни алоқаи мобилии Тоҷикистон аст: “Барои муштариён бо пули миллӣ ифода ёфтани тарифҳо ва бақияи маблағҳо таъсири тағийрёбии қурби асъорро аз байн бурда, ба соддатар шудани муҳосибаи хизматрасонии ширкатҳои мобилӣ мусоидат менамояд.”

Бонки миллии Тоҷикистон иқдоми ширкатҳои мобилиро истиқбол ва дастгирӣ намуда, аз тамоми воҳидҳои хоҷагидорӣ, масъулони мақомоту идораҳо ва шаҳрвандон даъват менамояд, ки ҳангоми истифодаи асъори хориҷӣ талаботи қонунгузориро риоя кунанд ва эҳтироми пули миллиро, ки яке аз рамзҳои давлатдорӣ ба шумор меравад, дар мадди аввал гузоранд.

Ин дар ҳолест, ки баъди ба пули миллӣ гузаштани нархгузориҳои ширкатҳои мобилӣ арзиши тамосҳои телефонӣ дар кишвар то 25 дарсад боло меравад.

Мӯҳр

Хабарҳои монанд:

Иброхим

Икдоми хуб вале бар зарари муштириён. Фоида медошт ба чои 4.75 дирам 4 дирам бигзор 5дирам мекарданд. Вале нархи нав нишон медихад, ки аз хар 5дакикаи сухбат нисбат ба пешина ширкатхо 1сент зиётар даромад мегиранд. Умедворам хукумат ин масъаларо нодида намегиранд!!!

Ҷавоб диҳед Иқтибос Шикоят

Низоми

Ширкатҳои мобили ҳамсоякишвари мо Афғонистон,аз оғози фаолияташон бо пули миллиашон роҳандози шудаанд.Ин нишон медиҳад,мо аз нигоҳи амали гаронидани қонунҳои кишвар аз ҳамсоякишвари ҷангзадаи худ қафо мондаем.

Ҷавоб диҳед Иқтибос Шикоят

Эзоҳ илова кунед