29 май 2013 15:27Тоҷикистон / Сиёсат

HRW: Ҳукумати Тоҷикистон дар дасти намояндагони як минтақа аст

Ҳюман Райтс Вотч (Human Rights Watch) дар гузориши тозаи худ Тоҷикистонро “кишвари худкома” номида, мегӯяд, ҳукумат зери идораи намояндагони як минтақа ва наздикони Эмомалӣ Раҳмон, раисиҷумҳури кунунӣ, қарор дорад.

Ин созмони ҳомии ҳуқуқи инсон менависад, ҳукумати Тоҷикистон гуногунандешии сиёсиро маҳдуд кардааст, агарчӣ Қонуни асосии он низоми бисёрҳизбиро тазмин мекунад. Ба унвони далел, гузоришгарони Ҳюман Райтс Вотч аз тақаллубкориҳои ҳизби ҳоким (ҲХДТ) дар интихоботи парлумонии соли 2010 мисол овардаанд.

Human Rights Watch дар хулосаи гузориши худ муносибати ба гуфтаи онҳо “бераҳмонаи мақомот нисбат ба боздоштшудагон, хушунат алайҳи занон, маҳдудияти дастрасӣ ба иттилоот, озодии баён, масдудкунии шабакаҳои иттилоотии мустақил ва иҷтимоиву маҳдудияти озодии виҷдонро” аз намунаи намоёни нақзи ҳуқуқи инсон дар Тоҷикистон хондааст.

Гузоришгарони ин созмон ҳамчунин аз фасоди густарда, қочоқи инсон, беадолатии додгоҳӣ, имконнопазир будани боздиди нозирони байналмиллалӣ аз маҳбасхонаҳо, вазъи нигаронкунандаи зиндонҳо, эҷоди маҳдудият барои дониши динӣ гирифтани кӯдакон ва ҳамчунин маҷбур намудани гурӯҳе аз шаҳрвандон ба танфурӯшиву кори иҷборӣ дар Тоҷикистон изҳори нигаронӣ кардааст.

Бино ба таҳлили Human Rights Watch дар Тоҷикистон мансабдоронро барои нақзи ҳуқуқи инсон хеле кам ба ҷавобгарӣ мекашанд.

Мӯҳр

Хабарҳои монанд:

Рустам

Ин ташкилотхо танхо ба хотири игво ин тавр мекунанд. аз онхо ягон фоида нест

Ҷавоб диҳед Иқтибос Шикоят

Чавон

Рустам,
Инаш игвогар вайя хоини миллат савумаш душмани хал ва бокимонда гусфанд факат як гурух одаму олиму хушбахт дар Точикистон ачабо хеле ачиб.Ман намефахмам ки вакте чизи хакро гуянд у хатман игвогар ё душман мешаванд.Хамонхе ки бештари вакт танкид мекунанд то як андоза зиндагии хуб доранд онхо аз дилсузиашон барои миллату ояндаи давлат мегуянд.Ин фабрикаи чавоб хатман хамин калимаи игвогарро харида гирифтааст ки хатман ба хаама мечаспонад.Ачабо наход дар Точикистон ягон камбуди набошад Амрико камбуди дорад русия дорад шветсария дорад акунун бовар накарданист ки хамин кишвари кафомонда камбуди надошта бошад бародар Рустам

Ҷавоб диҳед Иқтибос Шикоят

355

бар фабрикаи чавоб, косалесони номард.

Ҷавоб диҳед Иқтибос Шикоят

Мираёз

Вокеъан миллат бисёр беобуру шудааст.Дар Аврупо точик гуфта гулому бардаи хонаи дари русро холо мефахманд.Афсуз бояд хурд!

Ҷавоб диҳед Иқтибос Шикоят

лухтак ва курут

инхо ба ки мурочиат карда истодаанд, ба фикрам ба ахолии Марс.

Ҷавоб диҳед Иқтибос Шикоят

Эзоҳ илова кунед