28 май 2013 15:18Тоҷикистон / Иҷтимоӣ

Пешниҳоди Саодат Амиршоева барои табобати бепули саратон (рак)

Саодат Амиршоева, вакили парлумони Тоҷикистон, пешниҳод намудааст, ки табобати бемориҳои саратон дар кишвар ройгон ё бепул роҳандозӣ шавад.

Хонум Амиршоева рӯзи 28уми май дар суҳбат ба “Озодагон” гуфт, ин пешниҳодро дар нишасти ахири Шӯрои Маҷлиси Намояндагон ба вазири тандурустии кишвар, Нусратулло Салимов, ироа намудааст.

Вакили парлумон афзуд, ин пешниҳод мавриди истиқболи вакилон қарор гирифтааст ва айни ҳол барои таҳияи қарори дахлдор машғуланд.

Вай илова кард, дар дигар кишварҳо, масалан дар Русия, ҳамагуна касалиҳои саратон ройгон аз ҳисоби буҷаи давлат табобат карда мешавад: “Дар мо ақаллан табобати саратони ғадудҳои сина ба хонаводагони ниёзманд аз ҳисоби буҷаи давлат ройгон карда шавад. Чунки шумораи духтарони мубтало касалии ғадудҳои сина майли афзоиш дорад. Оилаҳои бой худро табобат менамоянд, вале оилаҳои камбизоат, ки имконияти табобат карданро надоранд мурда рафта истоданд.»

Дар ҳамин ҳол Амиршоева таъкид намуд, ки ин раванд бояд ҳар чӣ зудтар дар Тоҷикистон ҷилавгирӣ шавад.

Мӯҳр

Хабарҳои монанд:

гамгин

Муаллимаи мухтарам агар хамин пешниходи Шумо кабул гардад аз чандин занхое, ки кабизоат мебошанд ва худро аз сабаби набудани маблаг табобат карда нметавонанд савобашро мегиред. Пешаки ба Шумо минатдориамро байён менамоям, чунки апаи ман касалии саратони сина мебошанд.

Ҷавоб диҳед Иқтибос Шикоят

хамон бемор

Бемории саратонро(рак) на факат дар давлати Русия, балки дар бисьёр давлатхои дигар ба мисли Узбекистон ба таври ройгон табобат мекунанд. Вакте,ки ман худам ба ин бемори дучор шудам, духтурхо барои гузаронидани факат чаррохи аз ман 600дол.амрекоиро талаб кардан, анестезиолог-100долл, барои гузаштани ташхис, анализхо , кушодани карточка-100долл, дорухо-боз 100долл. сарф шуд, Аз дигархо аз ин хам зиёд маблаг гирифтаанд.Боз терапияхои физио ва кимъёвии чанкаратаро намегуед? Хамаи ин маблагхоро карз карда бо дасти худ ба духтурон оварда медихем. Мо хам мефахмем маоши духтурон ночиз аст, барои касби духтуриро азхуд намудан онхо 7соли умри худашона сарф мекунанд. Аммо айби мо-мардуми оддии андозсупорандагони хакики(честные налогоплательщики) дар чист? Инро бояд хукуматамон ба души худ мегирифт. Муаллимаи азиз, пешниходи Шумо ба хукумат: табобати ройгони ба беморони саратон бошад(дар инчода Шуморо 100фоизи мардум дастгири мекунад), Шахсан ман илова ба пешниходи Шумо: 1-ум -Маоши духтуронро аз санаи 1июли соли чори ба 2(ду)баробар баланд бардоштан, 2-ум-Бемористони "Карияи боло"и ш.Душанберо аз сари нав сохтан ва бо тачъхизотхои нави замонави таъмин кардан-ро пешниход мекардам.Маблаг? Хохиш бошад маблаг ёфт мешавад. Ташаккури зиед.

Ҷавоб диҳед Иқтибос Шикоят

Салим

пешниходе ки ба нафъи мардум бошад кай дар мо кабул мешавад?

Ҷавоб диҳед Иқтибос Шикоят

Зафар Хусейнов

Ташакури зиёд мухтарама Саодат Амиршоева, барои гамхори нисбати беморони гирифтори саратон.

Ҷавоб диҳед Иқтибос Шикоят

Эзоҳ илова кунед