28 май 2013 09:04Тоҷикистон / Тема дня

Афзалов: “Ба дасисаву гапҳои подарҳавои баъзеҳо бовар накунед”

Ғайбулло Афзалов, раиси вилояти Хатлон, зимни қабули шаҳрвандон дар Қумсангир аз сокинони ин ноҳия даъват намуд, ки ба “гапҳои туҳматангезе", ки вақтҳои охир зиёд пахш мешавад, дода нашаванд ва ба қадри “тинҷиву оромӣ” бирасанд:

"Ҳозир мулк тинҷ, ором аст, лекин ин тинҷӣ баъзеҳоро намефорад. Пеш ба ғайри нон чизе намеёфтӣ, ки рӯйи дастархон монӣ, ҳоло бошад, дар ҳар як хонадон ҳама чиз ҳаст."

Раиси вилояти Хатлон таъкид кард, ки “имсол соли махсус аст, соли интихоби Президенти кишвар. Шумо хуб медонед, ки баъзеҳо чӣ корҳое накарда истодаанд. Барои ҳамин, аз шумо хоҳиш мекунам, ки ба тарбия машғул шавед. Дӯстиву оромӣ, тинҷии Тоҷикистон ба нафъи ҳар як хонадон аст. Мо ҳамаи онро худ чашида будем... Вақтҳои охир ҳар хел гапҳои туҳматангез гуфта истодаанд.”

Ғайбулло Афзалов ҳарчанд аз шабакаҳои хабаррасон ном набурд, аммо интиқодҳоро дар умури динӣ зикр карда афзуд: “Дар бобати масҷидҳо бошад, мисол меорам, ки пеш аз ҷанг дар ноҳияи Қумсангир масҷид набуд, ҳоло 71 масҷид ҳаст. Дар вилоят ҳозир тақрибан 70 ҳазор ҳоҷӣ ҳаст, вале то солҳои 90-ум дар тамоми Тоҷикистон ҳамагӣ 30 ҳоҷӣ буд. Халқи мо халқи бузург аст, ҳама чизро мефаҳмад. Бинобар ин хоҳиш мекунам, ки ба дасисаву гапҳои подарҳавои баъзеҳо бовар накунед. Тинҷиву оромӣ неъмати бебаҳои Худодод аст. Ба қадри он расидан даркор аст."

Мӯҳр

Хабарҳои монанд:

Сарвиноз

Мухтарам Авзалов шумо акнун пир шудаед дар давоми ин кадар рохбарии шумо пешрави дида намешавад шумо хукматдорон факат чайби худро фикр мекунед халос бале руи дастархони мардум холо як порча нонаст лек ин захмати кори мухочирон дар россия аст якбор як фарзанди худро ба мухочират равон кунед бад мефахмед ки мардум чи гуна азоб кашида як порча нон меебанд шумо аз кадом ободи харф мезанед ободие ки таи ин кадар сол ягон корхонаи истехсоли кушодед не

Ҷавоб диҳед Иқтибос Шикоят

Карим

Мухтарам Авзалов 20 сол шуд гапхои шумо ва шумо баринхоро гушкарда гаштем боз мехохед 20 соли дигар гуш кунем?

Ҷавоб диҳед Иқтибос Шикоят

Мардикор

Чаноби Авзалов, Шумо дар бораи кадом ободи харф мезанед?
Фасоди дар хамаи макомотхои давлати,яъне ришваситони
Факр(сатхи пасти зиндаги
сатхи пасти сохаи тандурусти ва маориф
Бекори
Бебарки
ноадолати дар судхо ва макомотхои кудрати
маош ва нафакаи ночиз
хешу таборбози
андозхои баланд
фоизхои баланди бонки
шиканча дар муассисахои ислохоти
интихоботхои ношаффофи вакилони мардуми
таъкири равшанфикрон
нархои дандоншикани маводхои гизои ва истеъмоли,асосан сузишвори
монополияи тичорат аз тарафи хешу таборони мансабдорон г.х
МАГАР ИН АСТ, ОБОДИВУ ТИНЧИВУ, РУШДИ ТОЧИКИСТОН?

Ҷавоб диҳед Иқтибос Шикоят

Эзоҳ илова кунед