23 май 2013 11:23Тоҷикистон / Иқтисодӣ

“Тоҷик Эйр” 9-умин ширкати бадтарини ҷаҳон эълон шуд

Дар раддабандии 20 ширкати бадтарини ҷаҳон, ки нашрияи Business Insider тартиб додааст, ширкати миллии ҳавопаймоии Тоҷикистон, “Тоҷик Эйр” зинаи 9-умро ишғол намудааст.

Ин нашрия, ки масоили тиҷориро баррасӣ мекунад, сатҳи хизматрасониро дар бахши “эконом класс”, бароҳатии нишастгоҳҳо, дилхушиҳо зимни парвоз, тозагии саҳни тайёраҳо, сифати ғизо ва вокуниши мусофиронро ба хизматрасониҳо баҳогузорӣ намудааст. Инчунин аз раддабандии Skytrax, пажуҳишгоҳи маъруфи ҷаҳонӣ, ки ба таҳлили сатҳи хизматрасониҳои фурудгоҳу ширкатҳои ҳавоӣ машғул аст, кор бурда, ба муносибати масъулини “Тоҷик Эйр” бо муштариён аз 5 ситораи имконпазир 2 ситора (хол) додааст.

Business Insider ёдрас мекунад, ки охирин садамаи маргбор дар ширкати ҳавопаймоии тоҷик соли 1997 сар задааст, ки зимни он ҳамаи 79 мусофир ҷон бохтанд. Ҳамчунин зикр шудааст, ки соли 1993 ду садамаи дигар низ аз тарафи ҳавопаймоҳои тоҷик рух дода буд, ки ҷони 120 мусофирро рабуд.

Ба рӯйхати бадтарин ширкатҳои ҳавопаймоӣ инчунин ширкати ҳавопаймоии “Туркмеҳаволларӣ”-и Туркманистон ва “Узбекские авиалинии”-и Узбакистон ва ширкатҳо аз Русия ва Украина ворид гардидаанд.

Мӯҳр

Хабарҳои монанд:

Расул

Бародарон ин сиёсати Сомон АИР буд.
Бо хар рох мехост ин ширкати Ватанй-Давлатиро бадном карда аз бозори кор барорад.
Ва нихоят бо хама камбудихои сунъи, ки пайваста ба ин ширкат раво медид, ана имруз боз мебинем, ки дар руйхати сиёх дохилаш намудааст.
Чанд пул додед ба ин расмия, ки Точик-АИРро бадном кард?
Бо тафовут аз Сомон - АИР, хама коргарони Точик - АИР шахрвандони Точикистон мебошанд. Инчунин садхо мутахасисонро хононда истодааст. Ва он шароите, ки Сомон АИР ба худ "фарохам" оварда аст, дар ширкати Ватанй дида намешавад. 90% - и коргарони асосиаш - лётчикхо, инженерхо, бортмеханикхо...хама турку арабу русанд.
Хама Тайёрахои Нав аз пули Рогун ба дар ихтиёри Сомон - АИР мебошанд.
Озодагон хакикатро нашр кунед.

Ҷавоб диҳед Иқтибос Шикоят

ISLOMJON

Эй кош, ки ин чиз барои масъулону кормандони ширкати хавопаймои ва хам кормандони фурудгоххои Точикистон сабак мегашт.

Ҷавоб диҳед Иқтибос Шикоят

Yaman

тачикАйртрб

Ҷавоб диҳед Иқтибос Шикоят

Эзоҳ илова кунед