23 май 2013 10:46Тоҷикистон / Ҷавонон ва варзиш

“Равшан”-и Кӯлоб холҳояшро бо “Истиқлол” баробар кард

Дастаи “Равшан”-и Кӯлоб тими “Хайр”-и Ваҳдатро шикаст дод. Ин бозии мавқуфгузоштаи даври аввали мусобиқаи қаҳрамонии футболи Тоҷикистон миёни дастаҳои лигаи олӣ буда, соати 17:00-и рӯзи 22-юми май дар варзишгоҳи “Хайр”-и шаҳри Ваҳдат баргузор гардид.

Голи ягонаи меҳмононро Дэвид Мауто, легионери африқоии “Равшан” дар дақиқаи 63-юми нимаи дувуми дидор вориди дарвозаи мизбонон намуд.

Ҳамин тариқ дастаи “Истиқлол”-и Душанбе, ки 6 бозӣ анҷом додааст, бо 18 имтиёз дар садри ҷадвали мусобиқа қарор дорад. “Равшан” низ аз 6 бозӣ 18 хол ба даст оварда мутаносибан дар зинаи дуюм нишастааст. “Регар-ТадАЗ”-и Турсунзода аз 6 бозӣ 13 имтиёз гирифта, ҷойи сеюмро ба худ ихтисос додааст. “Парвоз” ва “Хайр”, ки мутаносибан 10 (аз 7 бозӣ) ва 8 (5 бозӣ) имтиёзӣ доранд, дар зинаҳои чор ва панҷуми ҷадвали мусобиқаанд.

Голзанҳои беҳтарини сабқат инҳоянд: Дилшод Восиев (“Истиқлол”) -- 7 тӯб, Комил Саидов (“Регар-ТадАЗ”), Юҷин Сепуйя (“Истиқлол”) ва Нуъмонҷон Ҳакимов (“Равшан”) – 3 тӯбӣ.

Мӯҳр

Хабарҳои монанд:

khisrav-1981

салом ба хамаи мухлисони футбол инак дастаи дустдоштаи мо Равшани шахри Кулоб боз як кадам ба пеш рафт худо куваташон тияд омин .дируз дар шахри Вахдат бисьёр бозии хуб нишон дод рахмат ба дарвозабони дастаи Равшан бародарамон Рустам Ризоев дар холатхои вазнин дастаамонро аз гол эмин дошт .Хасан Алексей Далер Даврон Саламон ва ДЕВИД ва гайрахо бисёр бозии тозаи Европои карданд ахсан ба шумо хама вакт сарбаланду хонаобод бошед мо мухлисонатон бо шумоем . Равшани мо ягона .Бозихояшро мечаспона .Бо голхои зебояш .Хамара меларзона. проф. ХИСРАВ

Ҷавоб диҳед Иқтибос Шикоят

Эзоҳ илова кунед